Navumaŭ byŭ apošnim na prykmietnaj pasadzie z tych piersanalij, što fihuravali ŭ dakładzie Purhurydesa ab hučnych źniknieńniach. Piša ŭ svaim błohu Alaksandr Kłaskoŭski.
Ministr Navumaŭ, znakamity piešymi pachodami vakoł Naračy, zaklikanymi prademanstravać jaho žaleznyja fizičnyja kandycyi, raptam paprasiŭsia ŭ adstaŭku pavodle stanu zdaroŭja. I Łukašenka nie staŭ adhavorvać.
Nasamreč padstaŭ dla niezadavolenaści ministram, zrazumieła, było z kapturom. Čaho vartaja adna sprava pra letašni vybuch na kancercie ŭ noč na 4 lipienia z nastupnaj masavaj daktyłaskapijaj dy bukietam inšym simptomaŭ biezdapamožnaści hroznych orhanaŭ.
Siłavyja struktury nałaŭčylisia razhaniać manifiestacyi, a voś što da abarony zvyčajnych hramadzian ad złačynnaści, to chutčej vypadaje kazać ab prafiesijnaj dehradacyi. Historyja z samasudam nad padpalščykam u paleskaj vioscy Puchavičy — kłasičnaja padstava dla sakramientalnaj frazy "A kudy hladzieła milicyja?".
Zrešty, tut prablema nie stolki ŭ piersanalijach na čale siłavych struktur, kolki ŭ tym, jak traktujuć ich misiju na samym viersie.
Siońnia ž vidavočna, što kiraŭnik dziaržavy źbirajecca ŭ Jeŭropu. U šyrokim sensie. Jašče babula nadvaja varažyła, ci palacić Łukašenka ŭ Prahu na samit “Uschodniaha partniorstva”. Ale biassprečna, što jon vielmi zacikaŭleny ŭłahodzić dačynieńni ź Jeŭraźviazam.
Ekanomika kałapsuje. Rasija ž za kožny skormleny vitamin patrabuje mnostva — i zusim nie drobnych — pasłuh. Rasčystka kalidora ŭ Jeŭropu stanovicca žyćciova nieabchodnaj.
Navumaŭ byŭ apošnim na vysokaj pasadzie z tych piersanalij, što fihurujuć u dakładzie Purhurydesa ab hučnych źniknieńniach. Raniej syšli ŭ cień Sivakoŭ, Šejman, Paŭličenka. Aficyjny kiraŭnik adsoŭvaje z publičnaj śfiery tych, chto pravakavaŭ na Zachadzie pytańni na niepryjemnuju temu.
Ciapier čytajuć
Pamiatajecie paru studentki i vykładčyka, dzie jon starejšy na 31 hod? Akazvajecca, jon byŭ śviatarom, a jana vučyłasia na rehientku9
Kamientary