Uźbiekistan vyjšaŭ na śled tysiačy hramadzian krainy, jakija mahli padpisać kantrakt na słužbu ŭ rasijskaj armii
Tych, chto ŭžo zaklučyŭ taki kantrakt, čakaje kryminalnaja sprava za najomnictva.
Va Uźbiekistanie ŭdzieł u zamiežnych uzbrojenych kanfliktach karajecca turemnym źniavoleńniem.
Pavodle artykuła 154 Kryminalnaha kodeksa Uźbiekistana, najomnictva źjaŭlajecca złačynstvam i karajecca pazbaŭleńniem voli na termin ad 5 da 10 hadoŭ. U apošni čas u krainie ŭžo byli vyniesieny prysudy hramadzianam, jakija ŭdzielničali ŭ bajavych dziejańniach u składzie rasijskich uzbrojenych sił na terytoryi Ukrainy.
Naprykład, paviedamlaje sajt anhor.uz, 39-hadovy žychar Andyžanskaj vobłaści byŭ asudžany na 4 hady i 2 miesiacy abmiežavańnia voli za ŭdzieł u bajavych dziejańniach u Šachciorsku, Bachmucie i Łuhansku. Jon pryznaŭsia ŭ zabojstvie bolš za 10 ukrainskich sałdat.
Inšy vypadak tyčycca 51-hadovaha hramadzianina Uźbiekistana, jaki paśla zatrymańnia ŭ Rasii byŭ zavierbavany ŭ rasijskuju armiju i prachodziŭ słužbu ŭ Maryupali. Paśla samavolnaha pakidańnia častki jon viarnuŭsia ŭ Uźbiekistan, dzie byŭ asudžany na 5 hadoŭ pazbaŭleńnia voli za najomnictva.
Ułady Uźbiekistana nieadnarazova papiaredžvali svaich hramadzian ab kryminalnaj adkaznaści za ŭdzieł u zamiežnych uzbrojenych kanfliktach. U pryvatnaści, Hienieralnaja prakuratura krainy zaklikała suajčyńnikaŭ za miažoj nie ŭstupać u rady ŭzbrojenych sił inšych dziaržaŭ i nie ŭdzielničać u bajavych dziejańniach.
Ciapier čytajuć
Babaryka dakładna nie viedaje, jak atrymaŭ traŭmy ŭ kałonii, bo byŭ biez prytomnaści1
Kamientary