Prapahandyst ANT pachvaliŭsia, jak razhavaryŭ dla svajho filma biełarusaŭ zamiežža. Nasamreč jon navat nie razmaŭlaŭ ź imi
U haziecie «Sovietskaja Biełoruśsija» vyjšła pafasnaje intervju ź viadučym ANT Andrejem Alaksandravym. Siarod inšaha, jaho spytali pra film «Čužoje nieba», u jakim biełarusy, vymušanyja ŭciačy za miažu, byli źniatyja padmanam.
Na nastupny dzień paśla vychadu «Čužoha nieba» Alaksandraŭ vypuściŭ svoj repartaž, u jakim nibyta parazmaŭlaŭ z udzielnikami filma pa vynikach premjery. Na pytańnie prapahandystki SB Iryny Aŭsiapjan pra toje, ci ciažka było razhavaryć hierojaŭ, Alaksandraŭ adkazaŭ nastupnym čynam:
«Razhavaryć było nieskładana. Usie jany ščyra adkazvali na pytańni. Hetyja ludzi sapraŭdy trapili ŭ niaprostuju situacyju: usie jany sapraŭdy pryznajucca, što niama na što abucca, niama čym zapłacić za lačeńnie, a časam niama čaho navat pajeści. Niekatoryja, havoračy ab ciažkaściach, u jakich akazalisia, adrazu pačynali płakać».
Nahadajem, kab źniać hierojaŭ filma «Čužoje nieba», da ich źviarnulisia pa intervju dla ŭnutranych patreb nibyta z Ofisa Cichanoŭskaj. Adnak paśla kadry apynulisia ŭ prapahandy. Film, źniaty padmanam, akramia BT, prezientavali ŭ kinateatry na zakrytym pakazie z udziełam łukašenkaŭskich top-čynoŭnikaŭ.
«Repartaž» Alaksandrava akazaŭsia takim ža chłuślivym. Kadry, pakazanyja im, byli źniatyja za niekalki miesiacaŭ da taho, jak ź‘iavilisia ŭ efiry ANT. Prapahandyst rabiŭ vyhlad, što z kimści razmaŭlaje.
Inšyja cytaty prapahandysta Alaksandrava:
- «Pałova jeŭrapiejskaha kiraŭnictva — kroŭnyja naščadki fašystaŭ. Tamu ich tak krucić ad śviatkavańnia 9 Maja, tamu jany tak nienavidziać usich, chto maje dačynieńnie da Vialikaj Pieramohi. I, na vialikaje niaščaście, mienavita tamu va Ukrainie vyhadavali nieanacyscki režym».
- «Ja vielmi ščaślivy, što ŭ nas zachavalisia tradycyjnyja kaštoŭnaści i ŭmacoŭvajucca siamiejnyja. Rady, što my zastajemsia astraŭkom zdarovaha sensu, dzie niama hiendernaha šalenstva, dzie dziaciej u pačatkovaj škole nie vučać zajmacca seksam, dzie nie kidajuć pamirać na vulicy, kali niama miedycynskaj strachoŭki».
- «Maja babula zusim małoj chavałasia ad niemcaŭ u stozie siena, niamieckija štyki prachodzili ŭ santymietrach ad cieła, ale jana nie vydała nivodnaha huku i zastałasia žyvaja. Babula pa matčynaj linii na vodnaj pierapravie patrapiła na miny, ad palito zastalisia adny tolki łapiki, cieła pasiekła askołkami, vyratavaŭ baćka».
- «Ciapier Jeŭrasajuzu davodzicca nie puskać da nas svaich hramadzian, bo padymuć na viły za pustyja palicy, darahuju miedycynu i kryminahiennuju abstanoŭku na vulicach».
Na BT zrabili film pra toje, jak biełarusy ledź vyžyvajuć u Jeŭropie. Kab zapisać videa, hierojaŭ žorstka padmanuli
Chto taki Andrej Alaksandraŭ — prapahandyst ANT, jaki stažyravaŭsia ŭ «Žoŭtych źlivach» i jeździć na zatrymańni
Viadučy ANT abłažaŭsia ŭ efiry — staŭ piarečyć Viarchoŭnamu sudu Biełarusi
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2121
Kamientary