Marynavanaja radyska — vyratavańnie dla luboj presnaj ci sumnaj stravy. Jana imhnienna palepšyć smak i dadaść teksturnuju razynku amal da luboj ježy. Asabliva dobra hatavać jaje viasnoj, kali radyska ŭ siezonie.
Navat kali vam zdajecca, što vy nie lubicie radys, nie śpisvajcie hety recept z rachunkaŭ: jon idealna azdobić vašy sałaty i sendvičy abo šašłyk. (A jašče jon smačny sama pa sabie!)
Vaźmicie luby vid vocatu, trochi časnaku i jašče niekalki prostych składnikaŭ, kab pryhatavać marynavanyja łustački radyski mienš čym za hadzinu.
Smak u ich budzie chutčej vocatava-salony, čym jarka-radysačny. Ale pry hetym łustački zastanucca chrabustkimi i śviežymi.
U adroźnieńnie ad fiermientavanych marynadaŭ, jakija patrabujuć niekalkich dzion ci navat tydniaŭ, chutkija marynady (taksama zvanyja «marynady z chaładzilnika» ci «vocatnyja marynady») hatujucca vielmi chutka — litaralna za hadzinu.
Kab zrabić chutka marynavany radys, spatrebicca:
- 3 zubki časnaku, ačyščanyja i razdušanyja
- 1 pierac chałapieńjo, razrezany ŭzdoŭž (pa žadańni)
- 1 pučok radyski, biez baćvińnia, pamytaj i tonka narezanaj (prykładna 12—14 štuk)
- 1/2 šklanki vocatu (možna vykarystoŭvać luby vid vocatu: bieły dystylavany, vocat ź biełaha abo čyrvonaha vina, bieły balzamičny, jabłyčny vocat. Radyska ŭbiare smak taho vocatu, jaki vy dadaście)
- 1/2 šklanki ciopłaj vady
- 2 stałovyja łyžki cukru (pa žadańni)
- 2 čajnyja łyžki soli
Jak hatavać:
- Źmiaścicie časnok, pierac (kali dadajacie) i radysku ŭ słoik z nakryŭkaj.
- U miernaj šklancy źmiašajcie vienčykam vocat, vadu, cukar (kali dadajacie) i sol.
- Ulicie vocatnuju sumieś u słoik z radyskaj.
- Začynicie słoik nakryŭkaj i pastaŭcie ŭ chaładzilnik minimum na 30 chvilin abo da dasiahnieńnia žadanaha smaku (aptymalna — na hadzinu).
Zachoŭvajecie marynavanuju radysku ŭ słoiku z nakryŭkaj u chaładzilniku da troch tydniaŭ.
Sałata z radyski i zielaniny — papaŭniajem zapas vitaminaŭ
Hryl — heta nie tolki abvuhlenyja kaŭbaski. Padborka niebanalnych receptaŭ
Čym karysnaja sparža, jak jaje vybrać i što ź jaje možna pryhatavać
Iznoŭ sparža: najlepšyja recepty z karalevaj travieńskaj harodniny
Jak ułasnaručna zrabić majanez dy inšyja zapraŭki dla sałaty
Kamientary