Davydźka: Ajčynnuju internet-placoŭku siońnia zaniali vorahi dziaržaŭnaści
belayarus.by
Pra heta staršynia «Biełaj Rusi» Hienadź Davydźka zajaviŭ padčas sustrečy z aktyvam Mahiloŭskaj vobłaści. Jon papiaredziŭ, što ŭ vypadku «falšyvaha vybaru» sapraŭdnyja patryjoty ryzykujuć stracić krainu.
«Elektaralnaja kampanija ŭ luboj krainie — heta ŭ pryncypie składana, — skazaŭ Davydźka. — Asabliva ciapier, na fonie pandemii. U śviecie raście pačućcio niezadavolenaści i niavyznačanaści, usie pradčuvajuć novyja prablemy. Ahulnasuśvietnaja niestabilnaść baluča bje pa nievialikich krainach, da jakich adnosicca i Biełaruś».
Jon taksama vielmi emacyjna raspavioŭ pra razmovu z maładymi ludźmi, što stajali u pratesnym łancuhu ŭ centry Minska litaralna niekalki dzion tamu.
«Vy dumajecie, im patrebnyja pieramieny? Ničoha padobnaha. Im nie pieramieny patrebnyja, a šou, dźvižucha. Heta prosta — prosta biezadkaznyja vychavancy internetu. Takim ludziam varta padkazać, kab jany šukali prablemy nie va ŭładzie, nie ŭ prezidencie, a ŭ sabie. Mahčyma, tady ich žyćcio naładzicca».
«My znachodzimsia pad biesprecedentnym miedyja-ŭpłyvam z boku našych vorahaŭ, — dadaŭ Davydźka. — Darečy, hetyja ludzi nie chočuć pryjści da ŭłady. Ich zadača — pahavaryć, pašumieć, unieści raskoł, ale pry hetym ni za što ŭ vyniku nie adkazvać. A tak nie byvaje…»
Staršynia «Biełaj Rusi» skazaŭ, što ajčynnuju internet-placoŭku siońnia zaniali ŭšłyja vorahi dziaržaŭnaści, jakija apiaredzili tut patryjatyčnyja siły. «Ale heta pole treba patrochu advajavać, zachoplivać časova stračanyja pazicyi», — ličyć jon.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary