Pamiežny kamitet: Kaleśnikava, Kraŭcoŭ i Radniankoŭ pierasiekli miažu Biełarusi z Ukrainaj
Siabry Kaardynacyjnaj rady Maryja Kaleśnikava, Ivan Kraŭcoŭ i Anton Radniankoŭ prajšli ŭ aŭtorak pamiežny kantrol na miažy z Ukrainaj. Pra heta paviedamiŭ TASS aficyjny pradstaŭnik Dziaržpamiežkamiteta Biełarusi Anton Byčkoŭski.
«Paćviardžajem, što jany prachodzili pamiežny kantrol u punkcie propusku «Alaksandraŭka» a 4 hadzinie ranicy», — skazaŭ Byčkoŭski.
Ranicaj 7 vieraśnia Maryja Kaleśnikava była vykradzienaja ŭ centry Minska nieviadomymi. Pra toje, dzie jana, dahetul źviestak nie było.
Tym časam telekanał «Biełaruś 1» u svaim telehram-kanale paviedamiŭ, što Anton Radniankoŭ i Ivan Kraŭcoŭ «hetaj nočču źbiehli za miažu».
«Ciapier jany znachodziacca na terytoryi Ukrainy. Ich kaleha Maryja Kaleśnikava sprabavała niezakonna pakinuć terytoryju Respubliki Biełaruś, ale była zatrymanaja na miažy» — havorycca ŭ paviedamleńni.
Adnak u Dziaržpamiežkamitecie pakul nie zmahli paćvierdzić hetuju infarmacyju.
Nahadajem, što raniej Biełaruś byli vymušanyja pakinuć členy prezidyuma Kaardynacyjnaj rady Pavieł Łatuška i Bolha Kavalkova. Zatrymanaja pa kryminalnaj spravie Lilija Ułasava, pradstaŭnik strajkama MTZ Siarhiej Dyleŭski adbyvaje 15 sutak aryštu pa administracyjnaj spravie.
-
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?
-
Ajcišnika ź Minska pasadzili pa čatyroch palityčnych artykułach
-
Sajt Instytuta kantrolu viedaŭ nie vytrymlivaje nahruzki z-za kolkaści achvotnych daviedacca vyniki repietycyjnaha ispytu
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?9
Kamientary