Vakulčyk pryznačany pamočnikam prezidenta pa Bresckaj vobłaści, Karajeŭ — pa Hrodzienskaj
Alaksandr Łukašenka pryznačyŭ kiraŭnika Rady biaśpieki Valeryja Vakulčyka pamočnikam prezidenta — inśpiektaram pa Bresckaj vobłaści, paviedamlaje BiełTA.
Užo eks-ministr unutranych spraŭ Juryj Karajeŭ pryznačany na adpaviednuju pasadu ŭ Hrodzienskaj, a jaho namiensik Alaksandr Barsukoŭ — u Minsku.
Valeryj Vakulčyk byŭ pryznačany kiraŭnikom Rady biaśpieki 3 vieraśnia, ź listapada 2012 pa vierasień 2020 jon byŭ kiraŭnikom KDB.
Juryj Karajeŭ kiravaŭ MUS z červienia 2019 hoda
***
«Publična chaču davieści da ŭsich prysutnych: mnoju pryniataje kadravaje rašeńnie i vy ŭtroch nakiroŭvajeciesia nie toje što na asabliva niebiaśpiečnyja ŭčastki, ale vielmi adkaznyja ŭčastki našaj krainy. U suviazi z tymi padziejami, pierš za ŭsio, jakija adbylisia (jany jašče nie skončany, my jašče nie viedajem, u što heta moža vylicca). Čamu vy? Vy ludzi vajskovyja, daśviedčanyja, vas nie treba ŭvodzić u kurs spravy i vučyć», — cytuje słovy Łukašenki BiełTA.
Źviartajučysia da staršyni Savieta respubliki Natalli Kačanavaj, Łukašenka daručyŭ padrychtavać i ŭdaskanalić narmatyŭna-pravavuju bazu, jakaja datyčycca pamočnikaŭ.
«Bo paŭnamoctvy ich buduć značna šyrejšyja. Ja nie chaču ciapier kankretyzavać ich ekspromtam. My pra heta jašče pavinny pahavaryć».
-
«Peŭnaje nieparazumieńnie». U Cichanoŭskaj abvierhli infarmacyju, što vyzvaleńni palitviaźniaŭ «adkładzienyja na niekatory čas»
-
U Breście jašče nie paśpieli zdać novy abstalavany plaž, a jaho ŭžo naviedali vandały
-
«Usiaredzinie absalutna hniłyja». Biełarusy niezadavolenyja jakaściu ekzatyčnaj sadaviny z Vjetnama ŭ kramach
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1313
Kamientary