Tysiačy biełarusaŭ pryjšli siońnia ŭ Kurapaty na «Noč rasstralanych paetaŭ»
Tysiačy biełarusaŭ pryjšli siońnia ŭ Kurapaty — sakralnaje miesca i simvał našaj nacyi. «Noč rasstralanych paetaŭ» adsyłaje da nočy z 29 na 30 kastryčnika 1937 hoda, kali ŭ minskaj turmie NKUS było zabita bolš za sto pradstaŭnikoŭ biełaruskaj intelihiencyi. 22 ź ich — piśmieńniki. Noč rasstralanych paetaŭ adbyłasia niahledziačy na toje, što mnohija ź jaje zaŭsiodnych arhanizataraŭ u hety momant znachodziacca za kratami.
Impreza ŭ Kurapatach cudoŭna arhanizavanaja: Kryžovy šlach padśviečany biełymi i čyrvonymi lichtarykami, jość vialiki ekran, hukaŭzmacnieńnie, aśviatleńnie.
Ludzi pryjšli z płakatami i ściahami. Razam zaśpiavali «Mahutny Boža».
U pramovie da prysutnych Nina Bahinskaja skazała sa sceny: «Ja budu prychodzić tudy, kudy moładź kliča, bo ja baču, što moładź pačała novy vitok Adradžeńnia. Dziakuj moładzi!»
Na Nočy rasstralanych paetaŭ vystupili akciory-kupałaŭcy.
Za adnu noč z 29 na 30 kastryčnika 1937 hoda ŭ minskaj turmie NKUS (siońnia — budynak SIZA KDB) było zabita bolš za sto pradstaŭnikoŭ biełaruskaj intelihiencyi. Hetaje złačynstva — adna z najbolš trahičnych staronak u historyi biełaruskaj nacyi, jakaja naniesła mocny ŭdar pa biełaruskaj kultury, litaratury, mastactvie. Palityka «čyrvonaha teroru» — vynik padaŭleńnia ŭładami luboha inšadumstva, zabarony na luboje alternatyŭnaje mierkavańnie.
Ciapier čytajuć
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś7
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia77
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1212
Kamientary