Ź siaredziny žniŭnia, kali ŭ Biełarusi ŭpieršyniu zabłakavali internet, biełaruskija karystalniki prapuścili 4,81 pietabajta (!) trafiku praz prahramu Psiphon. Pra heta Jeŭraradyjo raskazaŭ prezident i suzasnavalnik Psiphon Majkł Choł.
4,81 pietabajta, abo 4810 terabajt — vielizarny abjom infarmacyi. Takim možna całkam zabić 17,5 tysiač iPhone z 256 hihabajtami pamiaci.
Psiphon staŭ šyroka viadomy biełarusam u žniŭni 2020 hoda. Dziakujučy hetaj prahramie možna abyści błakavańnie internetu.
Tolki 6 śniežnia, kali prajšoŭ apošni na hety momant pratesny marš, kali byli prablemy z padklučeńniem da telehrama, biełaruskija karystalniki padklučalisia da Psiphon 1,234 młn razoŭ.
Majkł Choł raskazaŭ i pra kolkaść biełaruskich karystalnikaŭ prahramy. U žniŭni 2020 hoda ich było amal 2,5 młn — heta amal pałova ŭsiaho darosłaha nasielnictva Biełarusi. Zatym, kali internet stali adklučać tolki ŭ niadzieli, aktyŭnych karystalnikaŭ stała mienš, ale ličby ŭsio roŭna ŭražvajuć. U listapadzie, da prykładu, Psiphon vykarystoŭvali bolš za 312 tysiač biełarusaŭ.
Choł adkazaŭ nam i na pytańnie pra to, jak Psiphon, stvoranamu śpiecyjalna dla baraćby ź internet-cenzuraj u aŭtarytarnych i tatalitarnych dziaržavach, udajecca abychodzić abmiežavańni, jakija ŭłady ŭstaloŭvajuć pry dapamozie sučasnych technałohij DPI, što zajmajucca filtravańniem i analizam sietkavych pakietaŭ.
— U ciapierašni čas Psiphon maje dzieviać naładžvalnych pratakołaŭ, pryznačanych dla abychodu ŭsich vidaŭ błakavańnia, — kaža Choł. — Niesumnienna, DPI — heta novaje pakaleńnie filtracyi, jakoje źjaŭlajecca najbolš składanym na siońniašni dzień, bo jana [filtracyja] vykonvajecca ŭ režymie realnaha času. Tym nie mienš Psiphon zmoh «zabłytać» i abyści sistemu filtracyi DPI, jakaja była ŭkaranionaja ŭ Biełarusi i źjaŭlajecca asnoŭnaj pryčynaj taho, čamu Psiphon tak šyroka vykarystoŭvajecca. Inšyja VPN-servisy prosta nie hatovyja dla baraćby z takimi składanymi vyklikami.
Pry hetym, adznačaje Choł, ułady Biełarusi vielmi surjozna padyšli da pytańnia błakavańnia internetu.
— Biełaruś vykarystoŭvaje praktyčna ŭsie najaŭnyja ŭ rasparadžeńni mietodyki. Pieraličvać ich nie maje sensu, bo ŭsie jany ŭzajemaźviazanyja, — kaža jon.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek5
Kamientary