«Mova prafiesii»: startuje novy prajekt, jaki dapamoža pašyrać biełaruskuju movu
Płatforma say.by sumiesna z Centram viedaŭ CLARIN pa apracoŭcy biełaruskich tekstaŭ i maŭleńnia (K-BLP), Instytutam movaznaŭstva Akademii Navuk, ActiveCloud i Art-Siadzibaj rychtujecca da zapusku maštabnaha technałahičnaha prajekta «Mova prafiesii».
Heta mabilny dadatak, jaki dapamoža kožnamu vyvučyć biełaruskuju prafiesijnuju leksiku ŭ svajoj śfiery dziejnaści.
Prahrama daje mahčymaść patreniravacca, papraktykavacca i paćvierdzić viedy razmoŭnaj biełaruskaj movy svajoj prafiesii i navat atrymać siertyfikat nakštałt tych, što isnujuć dla zamiežnych moŭ (anałah TOEFL, IELTS, PTE).
Prajekt skiravany na ŭkaranieńnie biełaruskaj movy ŭ karparatyŭnuju kulturu, kab supracoŭniki kampanij vydatna razumieli rodnuju movu, a jašče lepš — havaryli pa-biełarusku z klijentami kampanii i čaściej karystalisia joj z kalehami.
Mabilny dadatak lohka i zručna vykarystoŭvać pry navučańni. Zadańni nie duža składanyja i bolš aryjentavanyja na vyvučeńnie kankretnych vyrazaŭ u adpaviednych śfierach dziejnaści. Naprykład, treba začytać usłych karotki tematyčny tekst na biełaruskaj movie abo apisać pa-biełarusku karcinku.
Dla atrymańnia vynikaŭ vykarystoŭvajucca technałohii štučnaha intelektu — niejronavyja sietki, jakija buduć uzbahačacca tysiačami hadzin biełaruskich tekstaŭ, načytanych vałanciorami dla ŭzoru pravilnaści vymaŭleńnia.
«Kali pradpryjemstvy Biełarusi voźmuć na siabie adkaznaść za biełaruskuju movu, a my z našaha boku stvorym nieabchodnyja instrumienty, jak najlepšym čynam intehravać biełaruskuju movu ŭ pracesy kampanii, my zmožam atrymać vialiki skačok u pašyreńni žyvoj biełaruskaj movy. Vyjści na jakasna novy ŭzrovień.
Akramia taho, heta šturšok u raźvićci navuki ŭ raspaznavańni biełaruskaj razmovy, niezdarma my robim hety prajekt razam z Centram viedaŭ CLARIN pa apracoŭcy biełaruskich tekstaŭ i maŭleńnia (K-BLP). Dla biassprečnaj pravilnaści padychodu ŭ aceńvańni budzie zadziejničany Instytut movaznaŭstva imia Jakuba Kołasa NAN Biełarusi — najlepšyja ekśpierty ŭ biełaruskaj movie.
A samaja hałoŭnaja asablivaść prajekta — heta hruntoŭnaść, svoječasovaść i nadzvyčajnaja kaštoŭnaść dla našaj krainy!» — kaža kiraŭnik prajekta Alaksandr Šastakovič.
Viaducca pieramovy ab padtrymcy raspracoŭki prajekta z bujnymi kampanijami z bankaŭskaj śfiery, rytejłu, technałohij, haliny suviazi. Da prajektu ŭžo dałučylisia pivavarnaja kampanija Alivaryja, ActiveCloud, Jet BI, kaviarnia «Šparki Łoś», stamatałahičnaja lakarnia «Hłoryja» i niekatoryja inšyja.
Kampanii, jakija ŭžyvajuć biełaruskuju movu ŭ kamunikacyi, atrymajuć łajalnaść svaich spažyŭcoŭ i kankurentnuju pieravahu. Akramia taho, padtrymka rodnaj movy — heta jarki prykład karparatyŭnaj sacyjalnaj adkaznaści.
Padtrymać startap mohuć biełaruskija kampanii, a taksama nieabyjakavyja ludzi, jakija chočuć zrabić jaho realnym nie tolki dla svajoj prafiesii, ale i dla ŭsioj krainy.
Aficyjny zapusk prajekta pryznačany na Dzień rodnaj movy — 21 lutaha.
-
«Nie zapatrabavana». Ź viadomaha kafe Mon Nom na Traktarnym prybrali biełaruskamoŭnaje mieniu
-
Niejrasietki ŭsio jašče spatykajucca na biełaruskim maŭleńni. Biełarusy chočuć padaryć štučnamu intelektu idealny hołas
-
Junak raskazaŭ, jak kanśpiektavaŭ ruskamoŭnyja lekcyi biełaruskaj łacinkaj. Heta vyklikała damino ŭspaminaŭ z BNTU, BDTU i BDU
Ciapier čytajuć
Kudy ciapier jeduć vučycca biełaruskija studenty — top krain i tendencyj12
Kudy ciapier jeduć vučycca biełaruskija studenty — top krain i tendencyj
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7373
Kamientary