Supracoŭnica zavoda ŭ Słucku pakazała padarunki da 3 lipienia — narod moŭčki zajdrościć
Niekatoryja navat nie ŭjaŭlajuć, kudy možna padzieć stolki ježy.
Raspakoŭku padarunkaŭ ad prafsajuza Słuckaha syrarobnaha kambinata da Dnia Niezaležnaści zładziła adna z supracoŭnic zavoda. I tam jość čym pachvalicca.
Na videa z Instagram možna ŭbačyć 12 litraŭ małaka tłustaściu 3,2%, paru małočnych kaktejlaŭ, try ŭpakoŭki biezłaktoznaha śmietankovaha masła i šeść upakovak śmiatany. Dumajecie, heta ŭsio? Nie, tolki pałova.
U praduktovaj skryncy taksama akazałasia niekalki vidaŭ syru, adrazu dziesiać upakovak majanezu, dźvie maślanyja pasty z salonaj karamiellu i časnakom, a taksama litr viarškoŭ. Nu i na desiert — dźvie ŭpakoŭki marožanaha.
«Vaźmicie mianie na pracu!»
Niekatoryja skieptyčna pastavilisia da takoha salidnaha praduktovaha naboru, nazvaŭšy raspakoŭku zvyčajnaj rekłamaj.
Ale bolšaść byli ŭ zachapleńni ad takoj ščodraści pradpryjemstva. Voś tolki niekalki kamientaryjaŭ (aŭtarskaja arfahrafija i punktuacyja zachavany):
- «Ničoha sabie!!! Možna tolki pazajzdrościć»
- «Kali kiraŭnictva na svaim miescy. Rady za vas»
- «Jakija vakansii jość?»
- «Tut na prafiesijnaje ničoha nikoli nie dajuć. A tut takoje»
- «A kudy dziavać stolki śmiatany»
- «Usio takoje smačnaje…»
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary