Не ведаеце, што прыгатаваць на вячэру? Паспрабуйце гэты хуткі і просты рэцэпт запечанай пасты пад адмысловым соусам з грыбамі і вяндлінай.
Фота BBCgoodfood
Вам спатрэбіцца:
500 г макароны — напрыклад, фарфале — матылькоў
50 г масла
200 г шампіньёнаў
50 г мукі
500 мл малака
150 г вяндліны
150 г цвёрдага сыру
пучок зялёнай цыбулі
- У вялікім сатэйніку растапіце масла. Пакрышыце цыбулю і размякчайце на працягу адной хвіліны.
- Дадайце да цыбулі муку і ўліце малако. Перамешвайце, пакуль не атрымаецца аднароднай сумесь.
- Павялічце агонь і ўзбівайце сумесь на працягу некалькіх хвілін, пакуль соус не загусцее.
- Выключыце агонь. Нарэжце вяндліну кубікамі і натаркуйце сыр. Дадайце сыр і вяндліну ў соус і перамяшайце.
- Абсмажвайце шампіньёны на працягу некалькіх хвілін.
- Адварыце фарфале згодна з інструкцыяй на ўпакоўцы.
- Выкладзіце фарфале і грыбы ў форму для выпякання, заліце соусам і перамяшайце. Пасыпце цыбуляй і сырам.
- Нагрэйце духоўку да 180°С. Выпякайце пасту на працягу 10 хвілін да залацістага колеру.
Смачна есці!
Цяпер чытаюць
Латушка: У Пяткевіч трэсліся рукі, галава, яна тупала, крычала: «Вы насаджаеце нацыяналізм»48
Каментары