Vojski niamiecka-fašysckich zachopnikaŭ imkliva prasoŭvajucca...
U piatnicu adbudziecca premjera novaha biełaruskaha filmu «Dniaproŭski rubiež» Dzianisa Skvarcova.
Na hetym tydni – adzinym sieansam i tolki ŭ adnym kinateatry – adbudziecca pakaz novaje biełaruskaj kinastužki. Raskład vystaŭleny na sajcie kino.br.by.
«Dniaproŭski rubiež» Dzianisa Skvarcova budzie pradstaŭleny 19 červienia ŭ kinateatry «Kastryčnik» a 18.00. U karcinie, pastaŭlenaj pavodle scenaru Alaksieja Dudarava, hrajuć aktory Ihar Sihaŭ, Anatol Kot, Ksienija Kniazieva, Hanna Harškova.
Karotki anons stužki hučyć tak: «Pačatak Vialikaj ajčynnaj vajny, vojski niamiecka‑fašysckich zachopnikaŭ imkliva prasoŭvajucca pa terytoryi Savieckaha sajuza. Vajennym častkam, što achoŭvajuć Dniaproŭski rubiež, dadzieny zahad zrabić horad nieprystupnaj krepaściu».
Sajt kinastudyi padsumoŭvaje źmiest filmu: «Mahiloŭ – taja ž Bresckaja krepaść, tolki ahramadnych maštabaŭ.»
Heta, jak minimum, šostaja stužka na vajennuju temu za apošnija čatyry hady.
Debiut Dzianisa Skvarcova taksama byŭ źviazany ź militarnaj tematykaj. «Ščyt Ajčyny» – pra vykryćcio zachodnich špiehaŭ u Biełarusi – nie maje adpaviednikaŭ u sučasnym kiniematohrafie.
Što Babaryka i Kaleśnikava adkazali na pytańni pra vajnu97
Kamientary