Andrej Rasinski. Kadry

«Ščyt Ajčyny»

Novaja stužka «Biełaruśfilmu» «Ščyt Ajčyny» (rež. Dz.Skvarcoŭ) imituje prycelnyja ŭdary pa imaviernym praciŭniku.

poster Ščyt Ajčyny (Ŝit otiečiestva)
Biełaruś, 2007, kalarovy.
Režyser: Dzianis Skvarcoŭ
Roli vykonvajuć: Alaksiej Siančyła, Anatol Kot, Veranika Plaškievič, Taciana Kalich, Źmicier Pustylnik, Mikałaj Kiryčenka, Śviatłana Kažamiakina
Žanr: Špiehaŭskaja drama
Adznaka: 3 (z 10)

«Irak, 1991. Juhasłavija, 1999» — sceny vajny. Razbambavanyja i rasstralanyja abaroncy cierpiać parazu.

Rasiejski palihon. Pasiedžańnie sakrataryjatu abarony, staršynia jakoha čamuści nahadvaje rasiejskaha premjera Michaiła Fradkova. Hienerał havoryć pra sakretnuju prahramu «Ščyt Ajčyny». Adyli dziejańnie razhortvajecca ŭ Biełarusi.

Talenavity lejtenant Alaksiej Stryžaŭ zaprošany na pracu ŭ sakretny instytut, dzie znajomicca ź pieknaj dačkoj dyrektara. Ale pradažny ahient (Anatol Kot) sprabuje vykraści dziaržaŭnyja tajamnicy i sapsavać maładym zaručyny…

Režyser Dzianis Skvarcoŭ, kali navučaŭsia ŭ Akademii mastactvaŭ, rabiŭ cikavuju animacyju, ździŭlaŭ mantažom i rakursami ŭ dyplomnaj karcinie «Lika. Dziembielskaja bajka».

Novy film Dzianisa Skvarcova — dziŭnaje spałučeńnie stalinskaha siužetu, brežnieŭskaj viałaści i łukašenkaŭskaha hlamuru.

U 1930-ja zachodnija špiehi byli hitom na sudovych pracesach; kinaekran pałochaŭ atrutnikami, zabojcami i vykradalnikami «partyjnych biletaŭ». U 1970-ja impet ścišyŭsia, ale idealahičnyja vorahi ŭ šapku nia spali i dabiralisia navat da «Dyjamantavaje ruki».

«Ščyt Ajčyny» — blakłaja kopija staroj kanfrantacyi. «Ahient» Anatol Kot i «hebist» Aleh Harbuz sprabujuć stvaryć charaktary, ale kanflikty filmu śpisanyja z vajskovych statutaŭ, siužet rassypajecca. Nikomu nie patrebnyja aŭtahonki, kryšačku seksu, špiehaŭskaja schodka ŭ Trajeckim pieradmieści (!) — i adsutnaść čałaviečych pačućciaŭ.

«Ščyt Ajčyny» sprabuje ŭvasobić «dziaržaŭnuju idealohiju» na sučasnym materyjale. Hałoŭnym mitam režymu da niadaŭniaha času była vajna. Ale śviedki i hieroi jaje sychodziać. Treba šukać novyja padvaliny. «Ščyt Ajčyny» — jak abviaščajuć u kancy filmu — heta dziesiać miljonaŭ biełarusaŭ, patryjatyčna addanych (viadoma kamu), pravilnych.

Śćvierdžańnie zavisaje ŭ pavietry, kanvulsuje histeryčnaj čyrvona-zialonaj hamaj. Samaloty-źniščalniki j hielikoptery, pafarbavanyja ŭ karektnyja kamunistyčna-isłamskija kolery; hierainia stralaje ŭ ciry ŭ čyrvonaj sakołcy; zialonaje i arnament na afarmleńni.

Lohki łukašenkaŭski hlamur: darahija aŭto, šykoŭnyja sukienki (nabor koleraŭ toj ža), madelki podyjumu — jak pryzy dla pieramožca i paznaka «stabilnaj kvitniejučaj Biełarusi».

Stalinskaja idejnaść razbeščanaja spažyvieckim azartam. Restarany, raskošnyja pakoi ahienta, bahatyja vajskoŭcy…

Vybuch samalota, niekalki kamputarnych zastavak i nadpisaŭ musiać apraŭdać hrošy, układzienyja ŭ kino, ale tych efektaŭ dla poŭnametražnaj stužki zamała.

Stvaralniki filmu nia vierać va ŭłasnuju «vychavaŭčuju» misiju, ale hałačku stavić treba.

Kinaterminy

Kinapadziei

Usie filmy

Kinatvorcy

Kamientary

Ciapier čytajuć

Ad staroj Hrušaŭki pakinuć tolki viekavy klon3

Ad staroj Hrušaŭki pakinuć tolki viekavy klon

Usie naviny →
Usie naviny

Hłamurny kosmas. Džef Biezas adpraŭlaje siońnia ŭ kosmas svaju niaviestu i jašče piać žančyn4

Kyrhyzstan uručyŭ notu pratestu rasijskamu pasłu paśla abłavy i žorstkaha źbićcia svaich hramadzian u maskoŭskaj łaźni4

Łaŭroŭ zapatrabavaŭ raspuścić NATA19

U padatkavaj pieraścierahli ad prodažu biletaŭ na chakiejnaje «Dynama»

Zialenski zajaviŭ, što Ukraina hatova kupić 10 kompleksaŭ Patriot za 15 miljardaŭ dołaraŭ, ale ZŠA nie pradajuć11

Kala Čyrvonaha kaścioła ŭ Minsku byŭ ździejśnieny akt vandalizmu13

U piensijaniera z Paleśsia — 92 unuki. I heta rekord18

Kitaj spyniŭ ekspart redkaziamielnych mietałaŭ na fonie handlovaj vajny z ZŠA3

U DAI na praśpiekcie Dziaržynskaha, 3 u Minsku časova nielha abmianiać pravy1

bolš čytanych navin
bolš łajkanych navin

Ad staroj Hrušaŭki pakinuć tolki viekavy klon3

Ad staroj Hrušaŭki pakinuć tolki viekavy klon

Hałoŭnaje
Usie naviny →

Zaŭvaha:

 

 

 

 

Zakryć Paviedamić