Ci pryznajuć palitviaźniem aryštavanaha aficera Hienštaba Dzianisa Urada? Adkazvaje pravaabaronca
Dzianis Urad — heta kapitan uzbrojenych siłaŭ, jaki 14 sakavika na dziažurstvie na pastu śpiecsuviazi Hienštaba sfatahrafavaŭ list ministra ŭnutranych spraŭ ministru abarony — možna mierkavać, što heta dakumient ab achovie budynkaŭ na 25 Sakavika.
Na telekanale ANT paviedamili, što potym kopiju fotazdymka jon nakiravaŭ «polskamu telehram-kanału». Suprać Urada zaviali kryminalnuju spravu pa artykule ab zdradzie radzimie, jamu pahražaje da 20 hadoŭ pazbaŭleńnia voli, jon znachodzicca ŭ SIZA KDB.
Ci moža vajskoviec być pryznanym palitviaźniem? Spytali ŭ pravaabaroncy z «Viasny» Valancina Stefanoviča.
«Ja asabista liču, što Urad moža być nazvany palitviaźniem. Dumaju, «Viasna» vystupić z takoj prapanovaj.
Tut jość šerah pryčyn. Mnie zhadvajecca kiejs rasijskaha žurnalista i ekołaha Alaksandra Nikicina, jaki byŭ aryštavany za toje, što pieradaŭ u japonskija ŚMI źviestki ab radyjaaktyŭnaj zabrudžanaści Cichaha akijana. Nikicin byŭ pryznany nie prosta palitviaźniam, a navat viaźniem sumleńnia. Mnie zdajecca, što tut anałohii naprošvajucca.
Taja infarmacyja, jakuju pierasłaŭ Urad, mieła vidavočny hramadski intares. Na moj pohlad, tut niemahčyma havaryć ab dziaržaŭnaj tajamnicy. U čym jana? U tym, što 50 vajskoŭcaŭ adpraŭlajucca patrulavać Novuju Baravuju?
My sutykajemsia z elemientami nieabvieščanaha nadzvyčajnaha stanovišča, kali na vulicy vyvodziać vajskoŭcaŭ. Heta nie pavinna rabicca pad sakretam, ab hetym treba paviedamlać i infarmavać. Faktyčna na siońnia vajskoŭcaŭ vykarystoŭvajuć u zdušeńni mirnych pratestaŭ — heta navat pryviało da zabojstva Hienadzia Šutava ŭ Breście.
Viadoma, u špijonskich spravach zaŭsiody brakuje infarmacyi, ale pa tym, što my majem, možam havaryć, što va Urada nie było niejkich hniusnych ci karyślivych matyvaŭ, kali jon dasyłaŭ hetuju infarmacyju».
-
«Basiejny zakrytyja, na plažy rekamiendujuć nie chadzić». Što kažuć turysty ŭ AAE i Katary
-
Statkievič zaklikaŭ jeŭrapiejcaŭ stvaryć i ŭzbroić Biełaruski dobraachvotnicki korpus
-
«Usiu spravu žyćcia — usio razburyli». Što viadoma pra spravu vydańnia «Inteks-Pres», redaktary jakoha atrymali vialikija turemnyja terminy
Ciapier čytajuć
«Vy pryjšli siudy łochami, a staniecie drapiežnikami». Jak pracujuć minskija koł-centry skamieraŭ1
Kamientary