Žurnalista sajta «Pieršy rehijon» Siarhieja Hardzijeviča pakarali paŭtara hadami kałonii za abrazu Łukašenki
Vyrak žurnalistu Siarhieju Hardzijeviču ahučyli 2 žniŭnia ŭ sudzie Ivanaŭskaha rajona. Prysud dvojčy adkładvali, u tym liku tamu što padsudny traciŭ prytomnaść, piša «Radyjo Svaboda».
50-hadovaha žurnalista Siarhieja Hardzijeviča abvinavacili ŭ abrazie Łukašenki i paklopie na jaho, a taksama ŭ abrazie dvuch milicyjantaŭ u čacie telehram-kanała «Riealnyj Drohičin».
Jaho pakarali paŭtara hadami kałonii ahulnaha režymu. Sud pastanaviŭ mieru strymańnia źmianić z padpiski ab niavyjeździe i naležnych pavodzinach na zaklučeńnie pad vartu i ŭziać jaho pad vartu nieadkładna ŭ zale suda.
U termin zaličyli niekalki dzion zatrymańnia i termin chatniaha aryštu ŭ śniežni-krasaviku.
Ad Siarhieja Hardzijeviča zapatrabavali vypłacić kampiensacyi paciarpiełym — staršamu opierupaŭnavažanamu hrupy baraćby z ekanamičnymi złačynstvami Drahičynskaha RAUS Juryju Čarnyškavu i načalniku adździeła achovy pravaparadku i prafiłaktyki milicyi hramadzianskaj biaśpieki Vitalu Kivielu.
Sam abvinavačany svajoj viny nie pryznaŭ i ŭ chodzie śledstva admoviŭsia davać pakazańni.
Kamientary