«10 vieraśnia adbudziecca pasiadžeńnie sajuznaha ŭrada Biełarusi i Rasii ŭ Minsku, jakoje buduć vieści premjer-ministry dźviuch krain. Tam čakajecca padpisańnie prahramy ahulnaj intehracyi», — skazaŭ siońnia žurnalistam pasoł Biełarusi Uładzimir Siamaška.
Jak adznačyŭ pasoł, prahrama patrabuje aktualizacyi ŭ suviazi z apošnimi mižnarodnymi padziejami.
«8 śniežnia 1999 hoda byli padpisany dva dakumienty — ab stvareńni Sajuznaj dziaržavy i prahrama realizacyi hetaj damovy. Dyk voś, damovu nichto nie kranaje, zastajecca ŭsio ŭ sile, jak jość. A prahrama patrabuje aktualizacyi, bo šmat usiaho źjaviłasia: vy pad sankcyjami, my pad sankcyjami, recesija była, ciapier i karanavirus źjaviŭsia, — dadaŭ Siamaška. — Tamu try hady my da hetaha išli, padychodzili da hetaha ŭ dva pryjomy.
Siońnia kanstatujecca, što z 28 kart 27 kart całkam uzhodnieny, adna zastajecca dla abmierkavańnia i, moža być, hetaje pytańnie taksama budzie źniata 9 vieraśnia na sustrečy Łukašenki i Pucina».
Siamaška: Łukašenka i Pucin na sustrečy ŭ Maskvie 9 vieraśnia mohuć padpisać usie darožnyja karty intehracyi
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie4
Kamientary