Dziaŭčyna lažała nie pa ciažarnaści.
Na vychodnych u sacyjalnych sietkach aktyŭna abmiarkoŭvali post pra situacyju, jakaja adbyłasia z pacyjentkami ŭ 5‑j balnicy Minska, piša Onliner.by.
Karystalnica Threads raspaviała, što jaje siabroŭka apynułasia ŭ stacyjanary z prablemami, nie źviazanymi ź ciažarnaściu. Pry hetym jana stała mižvolnaj śviedkaj schvatak susiedki pa pałacie na terminie 22 tydni.
«Joj [ciažarnaj] skazali: biary pialonku i naradžaj u pałacie na łožku», — śćviardžajecca ŭ paście.
«Jaki žach… Balić serca i ŭsio ŭnutry ad taho, što ŭbačyła i pačuła», — z takich słoŭ pačynajecca post pra situacyju ŭ balnicy.
«U hetaj dziaŭčyny adyšli vody i pačalisia schvatki. I pačaŭ vyłazić małyš. Siabroŭka pabiehła klikać choć kaho-niebudź. Znajšła, kaža: «Tam u pałacie rody pačalisia». A joj u adkaz: «Nu dyk niachaj kładziecca na łožak, rassoŭvaje nohi i naradžaje» <…> Usio heta adbyvałasia ŭ pałacie na vačach u čałavieka, jaki nikoli nie naradžaŭ! Psichałahična jak dla paradzichi, tak i dla siabroŭki heta byŭ stres», — tak apisvajecca situacyja ŭ paście (stylistyka zachavanaja).
Paźniej, pavodle słoŭ karystalnicy, «dzicia zabrali, paradzisie skazali čakać čystki», a pacyjentkam, jak śćviardžajecca, było skazana samastojna prybrać pałatu.
Žurnalisty źviazalisia niepasredna ź dziaŭčynaj, sa słoŭ jakoj apisanaja situacyja ŭ 5‑m radzilnym domie. Jana raspaviała, što ŭsio adbyłosia na vychodnych. U pałacie jany znachodzilisia ŭdvaich — jana i susiedka z zamierłaj ciažarnaściu.
Abiedźvie pacyjentki admovilisia ad padrabiaznych kamientaroŭ, adnak paćvierdzili napisanaje ŭ paście ź nievialikimi ŭdakładnieńniami. Minčanka padkreśliła, što paklikała miedykaŭ adrazu, jak tolki ŭ ciažarnaj adyšli vody. U toj momant, kali naradziłasia miortvaje dzicia, doktar užo prysutničała ŭ pałacie (u paście było napisana inakš).
— Sam fakt, što ja ŭsio heta nazirała, kali ŭ jaje adyšli vody <…> I ja adčuła stres, ja jašče ni razu nie naradžała. Bačyć dzicia — takoje sabie…
— Vam niejak patłumačyli hetuju situacyju? Čamu ŭsio heta adbyvajecca ŭ pałacie?
— Tak, jany tłumačyli, što da 22‑ha tydnia ŭ ich usie naradžajuć u pałacie, kali vykidyš ci niešta padobnaje… I ich nie zabirajuć u radzilnuju zału <…> A jašče skazali, što jana sama [susiedka] pavinna ŭsio prybrać u pałacie, tamu što sanitarak niama.
U kamientarach svaimi historyjami padzialilisia inšyja žančyny. Jany śćviardžajuć, što pieražyli padobny dośvied u radzilnych damach.
Namieśnik hałoŭnaha doktara: «My nie možam izalavać takich žančyn»
Pa tłumačeńni žurnalisty źviarnulisia ŭ 5‑iu haradskuju balnicu Minska. Namieśnik hałoŭnaha doktara Vasil Šostak padkreśliŭ, što nazyvać toje, što adbyłosia ź ciažarnaj pacyjentkaj, «rodami» ź miedycynskaha punktu hledžańnia niekarektna.
— Heta ciažarnaść, što nie raźvivajecca — nijakaha dačynieńnia da rodaŭ heta nie maje. Heta vykidyš. I havorka idzie nie pra dzicia, a pra płod. Jon byŭ niežyćciazdolny, pakolki zahinuŭ da taho, jak žančyna pastupiła da nas, — tłumačyć Vasil Šostak. — U hiniekałahičnym adździaleńni takich žančyn nie izalujuć. Vykidyš moža adbycca ŭ luby čas, usio zaležyć ad chutkaści praciakańnia schvatak.
To, što heta adbyłosia ŭ pałacie, — tak, takoje byvaje. To, što doktar pryjšła nie adrazu, — takoje taksama mahčyma. Heta rody prachodziać u supravadžeńni ŭrača (i navat nie adnaho), kali čakajecca naradžeńnie žyvoha dziciaci. A tut adbyŭsia vykidyš. Doktar prychodzić tady, kali jaje vyklikajuć. Mahčyma, u hety momant jana znachodziłasia ŭ inšym adździaleńni.
— Vykidyš zaŭsiody adbyvajecca ŭ pałacie? Ci ŭsio ž jość niejkaje pamiaškańnie, kudy mohuć advieści žančynu?
— My nie viedajem chutkaści pracesu. My možam ahledzieć žančynu, a ŭ jaje, naprykład, jašče niama poŭnaha raskryćcia dla taho, kab vyhnać płod. Ale praz 10 chvilin jano ŭžo jość. Tamu tak, vykidyš moža adbycca ŭ pałacie, moža adbycca ŭ ahladalnym kabiniecie padčas ahladu, moža — i ŭ manipulacyjnaj, kali my źbirajemsia pravieści niejkaje ŭmiašańnie, naprykład, instrumientalnym sposabam (u narodzie «čystka»).
Samaje hałoŭnaje, što žančyna nie zaviaršyła hetuju ciažarnaść u prybiralni, jak mnohija sabie heta ŭjaŭlajuć. Tamu ŭ tym, što vy apisvajecie, niama ničoha katastrafičnaha abo nadzvyčajnaha. A voś toje, što susiedki niešta zapisvajuć i vykładvajuć, — heta ŭžo raspaŭsiudžvańnie kanfidencyjnaj infarmacyi, jakoje moža padpadać pad dziejańnie dvuch zakonaŭ — ab piersanalnych danych i ab doktarskaj tajamnicy.
— Vy nie ličycie, što heta moža być stresam dla susiedak pa pałacie — naprykład, tych, chto jašče nikoli nie naradžaŭ, abo dla žančyn, jakija pryjechali zachoŭvać ciažarnaść?
— Nidzie ŭ našaj krainie nie vydzialajucca pałaty dla pierapynieńnia ciažarnaści. U nas takoha niama, heta parušeńnie pravoŭ žančyn. Jana takaja ž pacyjentka, jak i ŭsie astatnija. Heta hiniekałahičnaje adździaleńnie, tut niama zdarovych ludziej. U kožnaha jość niejkija zachvorvańni, mohuć być roznyja kryvacioki, padčas ciažarnaści abo bieź jaje. Kali my ŭsich pacyjentak budziem izalavać adna ad adnoj, to ja nie viedaju, jakoha pamieru pavinna być hiniekałahičnaje adździaleńnie. A ŭ nas pałaty raźličanyja na dvuch, troch ci čatyroch čałaviek, dla maksimalna kamfortnaha znachodžańnia. U dadzienym vypadku heta była dvuchmiesnaja pałata.
— Padkažycie, jaki pahraničny termin, kali vy čakajecie naradžeńnia žyvoha dziciaci i heta budzie ličycca rodami?
— Paśla 22 tydniaŭ. Tady heta adbyvajecca ŭ pieradrodavoj pałacie abo ŭ radzilnaj zale. Ale kali ciažarnaść zamierła, heta inšaja situacyja. Kali płod zastajecca ŭ połaści matki, jon vyklikaje zapaleńnie z usimi vynikajučymi nastupstvami až da biaspłodździa. Tamu my pavinny zaviaršyć hetuju ciažarnaść jak maha chutčej.
— Što adbyvajecca paśla vykidyšu?
— Płod nakiroŭvajecca na histałahičnaje daśledavańnie razam z płacentarnaj tkaninaj. A žančynie pakazana vyskrabańnie połaści matki, paśla čaho jana viartajecca ŭ pałatu.
Što tyčycca pryborki ŭ pałacie, to, pavodle słoŭ Vasila Šostaka, heta abaviazak supracoŭnikaŭ balnicy. Nichto nie moža prymusić pacyjentak prybirać paścielu, heta vyklučana.
Kamientary
Nabludajem tiendienciju, čto, vo vsiech hosučrieždienijach, dažie nizovoj urovień, dołžnosti zaniaty byvšimi i diejstvujuŝimi sotrudnikami khb, kotoryje, v piervuju očieried́, ślediat, čtoby pravda nie vypłyła za stieny hosučrieždienija, hosorhanizacii, hospriedprijatija.
Situacija koaśsičieskaja, dla uzakoniennoho biezzakonija łukašienko-švieda.
Intieriesno, kakoj biudžiet vydieržit vypłaty sotrudnikam khb na dva konca ? I ot khb, ot bolnicy, ot mahazina optiki ?
Razumieju rezanans naviny (umovy, 22-hi tydzień), ale ŭsio ž taki nazva artykuła supiarečyć jaho źmiestu i samoj sutnaści źjavy. Heta nie rody, a vykidyš pry nieraźvivajučajsia ciažarnaści, i było b dziŭna, kali b heta zdaryłasia niedzie ŭ inšym miescy, čym u hiniekałahičnym adździaleńni. Pacyjentka z hetaj metaj tam i lažała.