U rajonie minskaj vulicy Zacharava niekalki hadoŭ idzie budaŭnictva žyłych šmatpaviarchovikaŭ. Uzvodzić ŽK «Andrejeŭski» dziaržaŭny zabudoŭščyk, adnak sprava ruchajecca nie tak chutka, jak chaciełasia b dolnikam. Letaś budoŭla spyniałasia na niekalki miesiacaŭ, a siońnia ŭ haziecie «Źviazda» źjaviłasia infarmacyja pra pieranos terminaŭ zdačy pieršych damoŭ, piša Realt.by.
Jak adznačajecca ŭ dapaŭnieńniach da prajektnaj dekłaracyi, zdača damoŭ №1 i №2 pa Hienpłanie pieranosicca na krasavik 2027 hoda, choć pavodle ahučanych raniej płanaŭ šmatpaviarchoviki pavinny byli zdać letam-vosieńniu hetaha hoda.
Žyllovy kompleks «Andrejeŭski» raście na miescy vytvorčych budynkaŭ na skryžavańni vulic Zacharava i Andrejeŭskaj. Dva hady tamu tut zrujnavali ŭsie staryja pabudovy, a na ŭčastku pačali budavać novy kvartał.
Letam minułaha hoda na budoŭli ŽK uźnikła prablema z enierhasietkami, i raboty navat pryjšłosia prypyniać.
Na hety momant dva pieršyja damy całkam uźviedzienyja. Novabudoŭli naličvajuć pa 17−18 pavierchaŭ.
Kvatery ŭ žyllovym kompleksie pastupajuć u prodaž partyjami. Naprykład, u mai tut prapanoŭvali adnapakajoŭki i dvuchpakajoŭki pa canie 6800−8000 rubloŭ za kvadrat.
Uličvajučy paradak cen, žyllo ŭ kompleksie pradajecca biez ažyjatažu. Miarkujučy ź infarmacyi z sajta «Andrejeŭskaha», u dvuch damach zastałosia jašče kala 50 kvater. Darečy, na ich kuplu dziejničaje kredyt pad 1%.
Uvieś ŽK «Andrejeŭski» budzie składacca ź piaci šmatpaviarchovikaŭ na 30 tysiač kvadrataŭ. Na pieršych ich uzroŭniach adkryjucca kaviarni i kramy, a ŭ dvarach źjaviacca hramadskija prastory i placoŭki dla dziciačych aktyŭnaściaŭ.
Na Ślapianskaj vodnaj sistemie ŭ Minsku pačaŭsia ramont
Miesca, dzie pačynaŭsia stary Miensk, buduć zabudoŭvać. Užo jość płan
Častku parku kala haścinicy «Biełaruś» rychtujuć da zabudovy. Raniej budavać tam zabaraniaŭ Łukašenka
Staryja karpusy zavoda «Łuč» u Minsku pierabudujuć pad biznes-centr i miedkompleks. Prajekt vyniesieny na abmierkavańnie
Kamientary