Novy prarektar pa biaśpiecy pratrymaŭsia ŭ Hrodzienskim dziaržaŭnym univiersitecie ŭsiaho dzieviać miesiacaŭ
«Zvalnieńnie stała dla jaho niečakanaściu».
Jak stała viadoma «Našaj Nivie», Ihar Ciciankoŭ nie pracuje ŭ Hrodzienskim dziaržaŭnym univiersitecie z 10 žniŭnia. Na pasadzie prarektara pa biaśpiecy i kadrach jon pratrymaŭsia mienš za hod.
«Zvalnieńnie stała dla jaho niečakanaściu», — kamientujuć abaznanyja krynicy.
Prarektar pa biaśpiecy — novaŭviadzieńnie łukašenkaŭcaŭ, jakoje prydumali paśla 2020 hoda. Siłaviki — časam i byłyja, — jaki nie majuć nijakaha dačynieńnia da adukacyi ci navuki, atrymlivajuć miesca ŭ kiraŭnictvie ŭniviersitetaŭ, kab kantralavać kadry.
Hetaksama i Ciciankoŭ — u katałohu Nacyjanalnaj biblijateki niama nivodnaj navukovaj pracy «prarektara».
Da taho, jak zaniać vysokuju pasadu, Ciciankoŭ adkazvaŭ za vajskova-patryjatyčnaje vychavańnie navučencaŭ humanitarnaha kaledža pry ŭniviersitecie.
Jaho abaviazki va ŭniviersitecie časova vykonvaje prarektar pa ideałahičnaj pracy Vasil Siańko. Sam ža Ciciankoŭ byŭ pieraviedzieny na inšaje miesca pracy pa svaim profili. Kudy kankretna — pakul nieviadoma.
Ciapier čytajuć
Vaziŭ nataŭcaŭ u Afhanistan i skidvaŭ humanitarku ŭ Sudanie, a potym trapiŭ u turmu pa danosie siabra z Ukrainy3
Kamientary