Krynicy: byłoha načalnika Hancavickaha RAUS spačatku adpravili ŭ kałhas, a adtul zabrali ŭ Navinki
Načalnika Hancavickaha RAUS, 43-hadovaha Vitala Kulašova, źniali z pasady ŭ žniŭni. Jon prabyŭ u kreśle načalnika mienš za dva hady. Jak stała viadoma «Našaj Nivie», paśla adstaŭki Kulašova pastavili kiraŭnikom sielskahaspadarčaha pradpryjemstva. A niadaŭna nakiravali ŭ RNPC psichičnaha zdaroŭja, što ŭ Navinkach.
Jak stała viadoma «Našaj Nivie», Kulašova adpravili kiravać sielskahaspadarčym pradpryjemstvam u Stolinskim rajonie, bo pa pieršaj adukacyi Kulašoŭ — vieterynar: u 2000 hodzie jon skončyŭ Viciebskuju akademiju vieterynarnaj miedycyny.
Ci pracavaŭ jon pa prafiesii, nieviadoma, ale ź vieraśnia 2000 hoda pačaŭ karjeru ŭ milicyi.
«Užo na pracy ŭ kałhasie Kulašoŭ ci to ździejśniŭ sprobu suicydu, ci to publična abviaściŭ, što maje namier takoje zrabić — jak vynik, jaho adpravili na abśledavańnie ŭ Navinki, — tłumačać abaznanyja.
Da taho jak stać kiraŭnikom Hancavickaha RAUS, Kulašoŭ byŭ namieśnikam načalnika Stolinskaha RAUS. Jon uznačalvaŭ milicyju hramadskaha paradku. Bolšuju častku prafiesijnaha žyćcia prasłužyŭ u Baranavičach. A zapomniŭsia Kulašoŭ tym, što kiravaŭ brutalnymi zatrymańniami ŭ Hancavičach padčas mirnych akcyj pratestu.
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ7
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1111
Kamientary