Niamieckaje vydańnie Bild apublikavała detali razmovy, jakaja adbyłasia ŭ paniadziełak pamiž vykanaŭcaj abaviazkaŭ kanclera Niamieččyny Anhiełaj Mierkiel i Alaksandram Łukašenkam. Vydańnie spasyłajecca na ŭłasnyja krynicy i daje nastupnyja punkty, jakija nibyta nazvaŭ u razmovie Łukašenka, pieradaje «Radyjo Svaboda».
- Jaho pryznańnie prezidentam: kab nie było prosta pahardlivaha «spadar Łukašenka» (mienavita tak nazyvali Łukašenku ŭ pres-relizie niamieckaha ŭrada pa vynikach razmovy).
- «Źniaćcie sankcyj Jeŭrasajuza suprać jaho krainy paśla falsifikacyi vybaraŭ, hvałtu i katavańniaŭ suprać narodu i ŭhonu samalota Ryanair, ź jakoha jon vykraŭ błohiera».
- Kab ES (asabliva Niamieččyna) zabraŭ pałovu mihrantaŭ, jakich jon pryvioz u krainu, kab adpravić ich u Jeŭrasajuz i destabilizavać Zachad.
- Finansavaja dapamoha dla ekstrannych prytułkaŭ i damoŭ dla ŭciekačoŭ, bo jon baicca jašče bolšaj chvali biežancaŭ z Afhanistana praź Biełaruś u Jeŭrasajuz.
Mierkiel, pavodle infarmacyi Bild, zachoŭvała žorstkuju pazicyju, «ale paabiacała dyktataru vyvučyć roznyja rečy i abmierkavać ich z kiraŭnikami dziaržaŭ ES».
Vydańnie adznačaje, što možna było b kazać pra pryjom niekatorych mihrantaŭ, kali Łukašenka zabiaśpiečyć, kab astatnich mihrantaŭ dastavili nazad u rodnyja krainy, i zdymie cisk z pamiežnaj zony z Polščaj.
Pavodle infarmacyi Bild, Mierkiel taksama całkam nie vyklučyła ŭskosnuju finansavuju dapamohu na budaŭnictva žylla dla ŭciekačoŭ.
Pres-sakratarka Łukašenki Natalla Ejsmant zajaviła «RIA Novosti», što Łukašenka nie abmiarkoŭvaŭ ź Mierkiel sankcyi i «pryznańnie».
«Było b nižej za hodnaść prezidenta Łukašenki ŭzdymać padčas razmovy padobnyja pytańni ci vystaŭlać padobnyja ŭmovy. Nivodnaha słova pra sankcyi i tym bolš pra niejkaje «pryznańnie» padčas razmoŭ skazana nie było», — zajaviła Ejsmant.
-
Jeŭrasajuz užo nie havoryć pra «asacyjavanaje členstva» Kanady
-
«Praciahvajcie ruch». U Ispanii abnarodavali zapis pieramovaŭ mašynistaŭ z dyśpietčarami pierad krušeńniem, u jakim zahinuli 68 čałaviek
-
U byłoha kiraŭnika niamieckaj raźviedki, aryštavanaha pa spravie ab dziaržaŭnaj zdradzie, vyjavili rak kryvi
Ciapier čytajuć
Sofja Sapieha: Pratasievič nahavaryŭ na mianie ceły tom kryminalnaj spravy38
Sofja Sapieha: Pratasievič nahavaryŭ na mianie ceły tom kryminalnaj spravy
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary