U Aŭstralii albom sa śpievami ptušak abyšoŭ relizy ABBA i Džaścina Bibiera AŬDYJA
Albom «Songs of Disappearance», jaki składajecca z zapisaŭ śpievaŭ redkich ptušak, zaniaŭ piaty radok u śpisie najlepšych albomaŭ aŭstralijskaha čarta ARIA, paviedamlaje ABC News.
«Songs of Disappearance» staŭ pieršym albomam takoha farmatu, jaki trapiŭ u piaciorku najlepšych albomaŭ ARIA, i byŭ pradadzieny nakładam bolš za try tysiačy ekzemplaraŭ.
Płaścinka abyšła pa papularnaści novy albom ABBA «Voyage», albomy Džaścina Bibiera «Justice» i«The Highlights» śpievaka The Weeknd, a taksama albomy Merai Kery, Alivii Radryha, Adel, Dua Lipy i inšych papularnych vykanaŭcaŭ.
«Heta absalutna nievierahodna — vycieśnić ź pieršaj piaciorki Majkła Bubła, Meraju Kiery i cełuju kuču inšych vielmi viadomych vykanaŭcaŭ», — dzielicca Entani Albrecht, aśpirant univiersiteta Čarlza Darvina i adzin z udzielnikaŭ prajekta.
Prajekt byŭ natchniony spravazdačaj arhanizacyi BirdLife Australia pra źniknieńnie ptušak. Vyručka ad prodažu alboma pojdzie na pryrodaachoŭnuju dziejnaść BirdLife Australia.
«U peŭnym sensie heta niadziŭna, bo aŭstralijcy ciapier značna bolš uvahi nadajuć ekałahičnamu kryzisu, ź jakim my ŭsie sutyknulisia, i ź jakim sutyknulisia unikalnyja i nievierahodnyja vidy, jakija nasialajuć Aŭstraliju», — adznačaje Albrecht.
U albom uvajšli 53 kampazicyi, jakija śpiecyjalist pa hukazapisu dzikaj pryrody Devid Ściuart zapisvaŭ na praciahu 40 hadoŭ padčas svaich padarožžaŭ pa addalenych miescach Aŭstralii.
Ciapier čytajuć
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary