Navukoŭcy stvaryli štučnuju rybu, što pracuje na kletkach čałaviečaha serca
U Harvardskim univiersitecie skanstrujavali rybu, u skład jakoj uvachodziać kletki čałaviečaha serca. Prajekt nazyvajuć praryŭnym i kažuć, što jon moža prynieści šmat karyści kardyjałohii.
Stvarać «bijahibrydnuju rybu» harvadskim navukoŭcam dapamahali kalehi z amierykanskaha ŭniviersiteta Emary. Dla hetaha jany ŭziali papieru, płastyk i žełacin, a taksama dźvie pałoski žyvych kletak sardečnaj myšcy čałavieka. Kali hetyja kletki skaračalisia, chvost ryby ruchaŭsia z adnaho boku ŭ inšy, što dazvoliła joj płavać, piša Science.
Prajekt moža dapamahčy raspracoŭvać lepšyja mietady lačeńnia sardečnych chvarobaŭ — naprykład, kardyjostymulatary novaha typu. Kit Parkier, adzin z aŭtaraŭ prajekta, tłumačyć, što dla navukoŭcaŭ ciapier važna navučycca vykarystoŭvać žyvyja kletki ŭ bijainžynieryi. Serca — vielmi składany orhan, i dla bijainžynieraŭ niedastatkova prosta paŭtarać jaho anatomiju, treba jašče razumieć bijafiziku i toje, jak serca pracuje. Heta dazvoliła b navukoŭcam stvarać štučnyja sercy dla ludziej, što pakutujuć na surjoznyja kardyjałahičnyja prablemy.
Jak kažuć vučonyja, kletki muskułaŭ, što vykarystoŭvalisia ŭ ekśpierymiencie, ŭzmacnilisia praz nahruzku na ich. Heta dobry znak i pakazčyk taho, što danyja prajekta mohuć dapamahčy ŭ lačeńni sardečnych chvarob.
Nastupny krok dla vučonych — skanstrujavać bolš składanuju madel trochmiernaha marskoha arhanizma z vykarystańniem kletak čałaviečaha serca. Takaja madel, jak i štučnaja ryba, funkcyjanavała b pa pryncypach bijafiziki serca.
-
Jak zrabić dron amal niabačnym? Navukoŭcy prapanavali niečakana prostaje rašeńnie
-
Jon nahadvaje marskoha skata: amierykanski startap stvaryŭ samalot biez zvykłych kryłaŭ i iluminataraŭ, jaki moža stać novaj staronkaj u avijacyi
-
Asteroid, jaki źniščyŭ dynazaŭraŭ, moh vyklikać pažary pa ŭsioj płaniecie
Ciapier čytajuć
Łatvija «pa techničnych pryčynach» zakryła miažu ź Biełaruśsiu23
Kamientary