Łukašenka: Nikoli kiraŭnictva Rasii pierada mnoj nie staviła pytańnie ab udziele ŭ niejkich apieracyjach, u tym liku i ŭ hetaj ukrainskaj
Pra heta Łukašenka zajaviŭ siońnia na naradzie, pryśviečanaj situacyi vakoł Ukrainy. Što siońnia skazaŭ Łukašenka — cytaty.
«U nas jość svaje zadačy, jakija, darečy, sumiaščalnyja z tym kanfliktam i z toj apieracyjaj, jakuju Rasija pravodzić va Ukrainie. Nam treba zakryć svaju śpinu tam, i kab jany sapraŭdy nie ŭvajšli ŭ tył rasijskaj hrupoŭcy. Heta adpaviadaje našym intaresam. Heta ŭ intaresach rasijskaj armii», — zajaviŭ Łukašenka.
«U takoj situacyi nam nieabchodna nieadkładna vyznačyć miery pa biaśpiecy našaj krainy i našych hramadzian. Pry hetym chaču zaŭvažyć — nijakaj nadzvyčajščyny. Ničoha absalutna nie adbyłosia», — źviarnuŭ uvahu Łukašenka.
***
«Ničoha na poŭdni ŭ najbližejšy čas nie zdarycca. A kali i zdarycca — u nas tam dastatkova sił i srodkaŭ. My pavinny bajacca na poŭdni tolki pravakataraŭ i dyviersantaŭ, padonkaŭ, u tym liku tych bandytaŭ i našych źbiehłych, jakija ŭ ich u łahierach rychtujucca dla taho, kab zmahacca tut, u Biełarusi, suprać našaha naroda, — upeŭnieny biełaruski kiraŭnik. — Jany vyviedzienyja ŭčora ŭviečary, siońnia nočču, i dziažurać pa ŭsim pierymietry miažy. Usie pamiežnyja vojski niasuć słužbu va ŭzmocnienym režymie. Heta my zakryli ŭsiu miažu», — skazaŭ prezident.
***
«U nas jość svaje zadačy, jakija, darečy, sumiaščalnyja z tym kanfliktam i z toj apieracyjaj, jakuju Rasija pravodzić va Ukrainie. Nam treba zakryć svaju śpinu tam, i kab jany sapraŭdy nie ŭvajšli ŭ tył rasijskaj hrupoŭcy. Heta adpaviadaje našym intaresam. Heta ŭ intaresach rasijskaj armii», — zajaviŭ Łukašenka.
***
«Davajcie ščyra: a što, NATO, Amieryka i Zachad nam pakinuli alternatyvu? Niadaŭna siomy ci jaki pakiet sankcyj pryniali. Ukraina (nichto jaje nie padhaniaŭ) tydzień tamu zabaraniła čyhuncy pieravozić naš Kalij. Vyhadny dla ich prajekt zakryła. Chto jaje ab hetym prasiŭ? Nichto. Raniej zakryli nieba. Zusim niadaŭna (zajavili):
«My nie budziem u vas kuplać elektraenierhiju». Haspodź z vami. Prabačcie mnie, baba z voza - kaniu lahčej», - skazaŭ Łukašenka.
***
«Jašče raz chaču padkreślić: našy ludzi pavinny być upeŭnienyja ŭ tym, što my nie zrobim nijakich pamyłkovych krokaŭ. Jaki. My nie źbirajemsia ŭciahvacca ŭ vajnu, pa-pieršaje. Pa-druhoje, nas pra heta nichto nie prosić, tam biez nas zdolnyja razabracca. Ale jašče raz padkreślivaju: kali treba, my akažam usialakuju padtrymku».
***
Łukašenka čarhovy raz nahadaŭ ab uzajemnych damoŭlenaściach i abaviazacielstvach Biełarusi i Rasii ŭ ramkach Sajuznaj dziaržavy
«My sajuźniki, u nas adpaviednaja damova, i nas u hetym niama čaho paprakać», — skazaŭ jon.
Jon taksama źviarnuŭ uvahu na dziejańni, naprykład, Polščy, Litvy, jakija nakiroŭvali svaich hramadzian dla ŭdziełu ŭ apieracyjach ZŠA ŭ Afhanistanie, Iraku.
«Što tam treba było rabić palakam, litoŭcam, tym ža ŭkraincam u Afhanistanie i ŭ Iraku, kali amierykancy vajavali? — zadaŭ słušnaje pytańnie Alaksandr Łukašenka. — Što tam im treba było rabić? A tamu što amierykancy — ich sajuźniki. A čaho da nas pretenzii pradjaŭlajecie? Rasija — naš sajuźnik».
«Nam treba svaju krainu hladzieć, nie ŭciahvacca, — padkreśliŭ Łukašenka. - Ja na ŭračystym schodzie (da Dnia Abaroncaŭ Ajčyny 23 lutaha hetaha hoda) skazaŭ: «Nam ni ŭ jakim razie nielha ŭciahnucca ŭ dziarmo, z adnaho boku, i stać zdradnikami». Ciapier, napeŭna, vam zrazumieła, što ja mieŭ na ŭvazie».
***
Pry hetym Alaksandr Łukašenka źviarnuŭ uvahu, što ŭ krainie ŭsio idzie pa paradku.
«U nas 27 lutaha apošni dzień hałasavańnia (na refierendumie). My pavinny zaraz pakazać: my zajmajemsia spravaj, doim, kormim, vyrašajem inšyja pytańni, spartyŭnyja i inšyja mierapryjemstvy».
«Ja dumaju, my sustreniemsia i ŭ hetym farmacie jašče pahavorym», - skazaŭ žurnalistam Łukašenka.
Kamientary