Pradstaŭniki režymaŭ Pucina i Łukašenki — piersony non-hrata na mierapryjemstvach da hadaviny vyzvaleńnia nacysckich kancłahieraŭ
Na cyrymoniju pamiaci da 77-j hadaviny vyzvaleńnia kancłahieraŭ Buchienvald i Mitelbaŭ-Dora ŭ Hiermanii aficyjnyja pradstaŭniki Rasii i Biełarusi nie zaprošanyja za raźviazvańnie vajny va Ukrainie, padčas jakoj zahinuŭ były viazień Buchienvalda.
Nacysckija kancłahiery Buchienvald i Mitelbaŭ-Dora byli vyzvalenyja amierykanskimi vojskami 11 krasavika 1945 hoda niezadoŭha da zakančeńnia Druhoj suśvietnaj vajny. Štohod u Hiermanii hetaja data adznačajecca, i pradstaŭniki ŭsich krain, jakija spryčynilisia da pieramohi nad Trecim rejcham, zaprašajucca na mierapryjemstvy. Ale hety hod — vyklučeńnie:
«My piśmova prainfarmavali konsulskija pradstaŭnictvy, što jany nie vitajucca na mierapryjemstvach», — skazaŭ Jens-Kryścijan Vahnier, dyrektar Fondu miemaryjałaŭ Buchienvalda i Mitelbaŭ-Dora.
Pryjom aficyjnych pradstaŭnikoŭ dźviuch krain na ŭračystaściach nieprymalny, jak skazaŭ Vahnier, z-za niadaŭniaj trahičnaj śmierci acalełaha ŭ Buchienvaldzie Barysa Ramančanki.
96-hadovy Ramančanka, da niadaŭniaha času vice-prezident Mižnarodnaha kamiteta tych, chto vyžyŭ u dvuch łahierach, byŭ zabity ŭ siaredzinie sakavika padčas rasijskaha bambavańnia Charkava. Jaho śmierć vyklikała abureńnie va ŭsim śviecie.
Čytajcie taksama:
U Charkavie pad rasijskimi abstrełami zahinuŭ 95-hadovy były viazień Buchienvalda
-
«Ci jość sens za ich čaplacca?» Pucin namiaknuŭ pra hatoŭnaść spynić vajnu, kali jamu zdaduć Danbas
-
Iłan Mask viartajecca ŭ administracyju Trampa, užo ŭ novaj roli
-
U Efiopii paśla niekalkich hadoŭ pierapynku znoŭ razharajecca poŭnamaštabnaja hramadzianskaja vajna. Moža destabilizavacca i ŭvieś rehijon
Toj samy masažyst raskazaŭ, navošta zdymaŭ hołych klijentak2
Kamientary