Łukašenka padpisaŭ ukaz ab raźvićci ŚMI. Dziaržaŭnyja miedyja buduć ciapier karmicca sa zboru ad rekłamadaŭcaŭ
Ahienctva BiełTA paviedamlaje, što «dakumient pryniaty ŭ metach zabieśpiačeńnia ŭstojlivaha ekanamičnaha stanovišča nacyjanalnych srodkaŭ masavaj infarmacyi, vytvorčaści ŭ nieabchodnym abjomie jakasnaha biełaruskaha kantentu».
Ukazam ustanaŭlivajecca zbor za raźmiaščeńnie vonkavaj rekłamy i rekłamy na transparcie ŭ pamiery 10%. U inšych vypadkach płacicca 20% ad koštu pasłuh pa raspaŭsiudžvańni rekłamy.
Zbor budzie vypłačvacca rekłamadaŭcami i nakiroŭvacca na padtrymku dziaržaŭnych srodkaŭ masavaj infarmacyi.
Akramia taho, ukazam źmienienaja staŭka padatku na dadanuju vartaść pry akazańni pasłuh pieradačy dadzienych z 25% da 26%.
Nahadajem, raniej Łukašenka zajaviŭ, što padpiša ukaz, kab prymusić kampanii raźmiaščać u dziaržSMI rekłamu.
«Ja hłyboka pierakanany, što nam treba zajmacca aptymizacyjaj na kanałach. Treba pakidać tych ludziej, u jakich vy absalutna ŭpeŭnienyja, tady i zarobak budzie», — zajaviŭ tady jon.
Taksama Łukašenka daručaŭ padrychtavać «pramaliniejny i niezavualavany» ŭkaz, jaki prymusić raźmiaščać rekłamu na «patryjatyčnych pradziaržaŭnych kanałach, jakija abaraniajuć dziaržavu, zachoŭvajuć mir i spakoj u krainie».
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Syn ministra Kubrakova staŭ načalnikam Centralnaha RUUS Minska. Major, ale budzie kiravać pałkoŭnikami4
Syn ministra Kubrakova staŭ načalnikam Centralnaha RUUS Minska. Major, ale budzie kiravać pałkoŭnikami
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary