Džordž Soras uskłaŭ adkaznaść za zaležnaść Jeŭropy ad Pucina na Anhiełu Mierkiel
Finansist-miljarder Džordž Soras uskłaŭ vinu za jeŭrapiejskuju hazavuju zaležnaść ad Rasii niepasredna na «śpiecyjalnyja pahadnieńni» eks-kanclerki Hiermanii Anhieły Mierkiel z Maskvoj. Pra heta, jak paviedamlaje vydańnie Politico, jon skazaŭ u pramovie na palach Suśvietnaha ekanamičnaha forumu ŭ Davosie.
«Zaležnaść Jeŭropy ad rasijskaha vykapniovaha paliva zastajecca praźmiernaj, u asnoŭnym z-za mierkantylisckaj palityki, jakuju pravodziła byłaja kanclerka Anhieła Mierkiel», — skazaŭ Soras.
«Jana zaklučyła śpiecyjalnyja pahadnieńni z Rasijaj pa pastaŭkach hazu i zrabiła Kitaj najbujniejšym ekspartnym rynkam Hiermanii», — zajaviŭ jon. Taksama Soras dadaŭ, što, choć ciapierašniaha kanclera Hiermanii Ołafa Šolca abrali praciahvać palityku Mierkiel, jon «zdajecca, u rešcie rešt usio ž robić pravilnyja rečy», spasyłajučysia na kroki pa admovie ad» Paŭnočnaha patoku-2», pavieličeńnie vydatkaŭ na abaronu i adpraŭku zbroi Ukrainie.
Pry hetym Soras nieadnarazova pachvaliŭ premjer-ministra Italii Maryjo Drahi, jaki akazaŭsia «advažniejšym, choć hazavaja zaležnaść Italii amal takaja ž vysokaja, jak i ŭ Hiermanii».
Raniej Džordž Soras zajaŭlaŭ, što ŭvarvańnie Rasii va Ukrainu, mahčyma, stała pačatkam Treciaj suśvietnaj vajny, tamu dla Zachadu važna nanieści parazu siłam prezidenta Rasii Uładzimira Pucina.
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary