U Łodzi ŭ subotu projdzie impreza, pryśviečanaja litaratury palitviaźniaŭ
U polskim horadzie Łodź u miežach Dzion biełaruskaj kultury 23 lipienia buduć asensoŭvać litaraturu biełaruskich palitviaźniaŭ. Arhanizujuć imprezu «Palitźniavolenaja litaratura» Fond «Biełarusy ŭ Łodzi» i Biełaruskaja Rada kultury.
Udzielnikam i hledačam płanujuć pradstavić forum-śpiektakl «Cenzar», muzyčny kancert, u jakim prymuć udzieł Juryj Stylski, lidar hurta «Daj darohu!», hurt «Raźbitaje Serca Pacana», dyskusii z udziełam ekśpiertaŭ z pravaabaroncami, litaratarami i žurnalistami. Taksama možna budzie pryniać udzieł u napisańni listoŭ palitviaźniam.
Arhanizatary taksama abiacajuć prezientacyju tekstaŭ, jakija paŭstali praz turemny dośvied ich aŭtaraŭ.
«Turemnaje mastactva, jak kancentrat biełaruskaj palityčnaj i fiłasofskaj dumki, pieraasensoŭvaje toj čas i toj stan, u jakim my ŭsie zaraz znachodzimsia. Novaja kultura i novyja kaštoŭnaści našaha hramadstva vyśpiavajuć i farmulujucca ludźmi, što znachodziacca za kratami. Słuchajučy ich hałasy, my možam akreślić dla samich siabie tut i ciapier, dziela čaho my ŭsio heta robim, dziela čaho my jak supolnaść idziom na baraćbu i straty, čałaviečyja, losavyja, kulturnyja», — paviedamlajuć pra padzieju arhanizatary.
Za mierapryjemstvami prajekta «Palitźniavolenaja litaratura» možna budzie nazirać pa ŭsim śviecie z dapamohaj anłajn-tranślacyi.
Impreza «Palitźniavolenaja litaratura» projdzie 23 lipienia z 16.00 da 22.00 u Domie litaratury pa adrasie: Łodź, Roosevelta, 17.
Ciapier čytajuć
Novym śpikieram Kaardynacyjnaj rady, chutčej za ŭsio, stanie Arciom Bruchan3
Kamientary