U Horkach supracoŭniki DAI vykarystali zbroju, kab spynić pjanaha kiroŭcu, jaki nie mieŭ pravoŭ na kiravańnia aŭtamabilem, paviedamlaje pres-słužba MUS.
Inśpiektary padali sihnał ab spynieńni aŭtamabilu Citroen, ale kiroŭca praihnaravaŭ patrabavańnie i pasprabavaŭ uciačy. Padčas pahoni jon, jak śćviardžajecca, stvaraŭ realnuju pahrozu dla inšych udzielnikaŭ darožnaha ruchu.
Paśla nieadnarazovych papiaredžańniaŭ inśpiektar prycelna streliŭ pa kołach aŭtamabila, u vyniku čaho toj spyniŭsia.
Za rulom znachodziŭsia 36‑hadovy žychar vioski Sialec Horackaha rajona. U jaho byli vidavočnyja prykmiety ałkaholnaha apjanieńnia. Miedycynski ahlad pakazaŭ 1,57 pramile ałkaholu. Raniej mužčynu ŭžo pazbavili prava kiravańnia za jazdu ŭ niećviarozym stanie.
U dačynieńni da jaho skłali čatyry administracyjnyja pratakoły. Mužčynu źmiaścili ŭ izalatar časovaha ŭtrymańnia, a aŭtamabil adpravili na stajanku pad achovaj.
Ciapier čytajuć
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary