U sieradu ŭ Hiermanii zapuścili 14 pasažyrskich ciahnikoŭ, jakija vykarystoŭvajuć vadarodnyja paliŭnyja elemienty dla vypracoŭki elektraenierhii, paviedamlaje Associated Press.
Pavodle infarmacyi aficyjnych uładaŭ, heta pieršy ŭ śviecie taki park pasažyrskich ciahnikoŭ. Vadarodnyja ekspresy zamianili 15 dyzielnych ciahnikoŭ, jakija raniej kursiravali na nieelektryfikavanych kalainach u ziamli Nižniaja Saksonija.
Takim čynam urad Hiermanii padtrymaŭ pašyreńnie vykarystańnia vadarodu ŭ jakaści čystaj alternatyvy vykapniovamu palivu.
Kiraŭnik ziamli Štefan Vajl skazaŭ, što prajekt koštam 93 młn jeŭra źjaŭlajecca «vydatnym prykładam» namahańniaŭ Nižniaj Saksonii, nakiravanych na toje, kab zrabić svaju ekanomiku bolš ekałahičnaj.
Ciahniki francuzskaj kampanii Alstom ekspłuatujucca rehijanalnaj čyhunačnaj kampanijaj LNVG na maršrutach pamiž paŭnočnymi haradami Kukschafien, Bremierchafien, Bremiervierde i Bukstechude. Alstom zajaŭlaje, što ciahniki Coradia iLint majuć zapas chodu da 1000 kiłamietraŭ i maksimalnuju chutkaść 140 km/h.
Vykarystoŭvajučy vadarod, atrymany z adnaŭlalnych krynic enierhii, ciahniki buduć ekanomić 1,6 młn litraŭ dyzielnaha paliva štohod. Ciapier vadarod vyrablajecca jak pabočny pradukt chimičnych pracesaŭ, ale niamieckaja hazavaja kampanija Linde płanuje na praciahu troch hadoŭ vyrablać jaho na miescy, vykarystoŭvajučy tolki adnaŭlalnyja krynicy enierhii.
-
Roj pčoł napaŭ na ludziej u Francyi, 24 čałavieki paciarpieli, troje trapili ŭ reanimacyju
-
Žančynu z Aŭstralii, jakaja nakarmiła siamju stravaj z atrutnymi hrybami, pryznali vinavataj. Tady pamierli try čałavieki
-
Kursanty Razanskaha vučylišča pavietrana-desantnych vojsk zabili svajho siaržanta, paškodziŭšy jaho parašut
Ciapier čytajuć
Cichanoŭskaja — Trampu: Łukašenku treba pakarać, a nie zaachvočvać22
Kamientary