Paśla surjoznaha spadu ŭ siezonie 2020/21 u Biełaruś viartajecca davoli vysoki ŭzrovień zachvorvańnia na hryp. Užo ŭ minułym hodzie chvorych na hryp stała kudy bolš, a hetaj zimoj čakajecca mocny ŭsplosk, zajaviła na pres-kanfierencyi ŭ Minsku zahadčyca łabaratoryi hrypu i hrypapadobnych zachvorvańniaŭ HU «Respublikanski navukova-praktyčny centr epidemijałohii i mikrabijałohii» Natalla Šmialova.
U jakaści prykładu jana pryviała Aŭstraliju, dzie ciapier fiksujecca samy vialiki ŭsplosk zachvorvańnia na hryp za apošnija 5 hadoŭ.
«Źviazana heta z karancinnymi mierapryjemstvami, jakija pravodzilisia raniej. Jany byli nakiravanyja na prafiłaktyku karanavirusnaj infiekcyi, ale, u toj ža čas, u vyniku nie sfarmavałasia imunnaja prasłojka», — adznačyła Šmialova.
U Jeŭropie, pa jaje słovach, nazirajecca padobnaja tendencyja. «U krainach Jeŭropy ŭžo nazirajecca cyrkulacyja hrypu i takaja vysokaja aktyŭnaść virusa kaža pra toje, što, mahčyma, u hetym hodzie budzie raniejšym pačatak epidemičnaha ŭzdymu zachvorvańnia na hryp», — paviedamiła Šmialova.
Ekśpiertka adznačyła, što ŭ hetym siezonie tradycyjna buduć daminavać virusy hrypu typu A — na ich dolu prypadaje bolš za 90% vypadkaŭ, u pieršuju čarhu H3N2. «Ale, pry hetym, jość vysokaja vierahodnaść i prajaŭleńnia virusaŭ typu B — asabliva z ulikam taho, što jany praktyčna nie cyrkulavali ŭ minułym hodzie», — dadała Šmialova.
Pavodle jaje słoŭ, usploski zachvorvańnia ŭ vyniku zaražeńnia virusami typu B zvyčajna fiksujucca, kali na spad idzie cyrkulavańnie virusaŭ typu A, u vyniku jany farmujuć «postepidemičny chvost».
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary