Пасля сур'ёзнага спаду ў сезоне 2020/21 у Беларусь вяртаецца даволі высокі ўзровень захворвання на грып. Ужо ў мінулым годзе хворых на грып стала куды больш, а гэтай зімой чакаецца моцны ўсплёск, заявіла на прэс-канферэнцыі ў Мінску загадчыца лабараторыі грыпу і грыпападобных захворванняў ГУ «Рэспубліканскі навукова-практычны цэнтр эпідэміялогіі і мікрабіялогіі» Наталля Шмялёва.
У якасці прыкладу яна прывяла Аўстралію, дзе цяпер фіксуецца самы вялікі ўсплёск захворвання на грып за апошнія 5 гадоў.
«Звязана гэта з каранціннымі мерапрыемствамі, якія праводзіліся раней. Яны былі накіраваныя на прафілактыку каранавіруснай інфекцыі, але, у той жа час, у выніку не сфармавалася імунная праслойка», — адзначыла Шмялёва.
У Еўропе, па яе словах, назіраецца падобная тэндэнцыя. «У краінах Еўропы ўжо назіраецца цыркуляцыя грыпу і такая высокая актыўнасць віруса кажа пра тое, што, магчыма, у гэтым годзе будзе ранейшым пачатак эпідэмічнага ўздыму захворвання на грып», — паведаміла Шмялёва.
Экспертка адзначыла, што ў гэтым сезоне традыцыйна будуць дамінаваць вірусы грыпу тыпу А — на іх долю прыпадае больш за 90% выпадкаў, у першую чаргу H3N2. «Але, пры гэтым, ёсць высокая верагоднасць і праяўлення вірусаў тыпу B — асабліва з улікам таго, што яны практычна не цыркулявалі ў мінулым годзе», — дадала Шмялёва.
Паводле яе слоў, усплёскі захворвання ў выніку заражэння вірусамі тыпу B звычайна фіксуюцца, калі на спад ідзе цыркуляванне вірусаў тыпу А, у выніку яны фармуюць «постэпідэмічны хвост».
Цяпер чытаюць
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка10
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары