Pryznali palitviaźniami žurnalistaŭ Ivana Muraŭjova i Jaŭhiena Mierkisa
Ab pryznańni dvuch žurnalistaŭ palitźniavolenymi paviedamiła «Viasna». Ahulnaja kolkaść pryznanych palitviaźniaŭ u Biełarusi ciapier — 1343.
Ivan Muraŭjoŭ — žurnalist, apieratar i fatohraf, jakoha raniej užo zatrymlivali ŭ žniŭni 2020 hoda. Jamu vystavili abvinavačańnie pavodle č. 3 art. 361-1 Kryminalnaha kodeksa (udzieł u ekstremisckim farmavańni). Na hety momant Ivan Muraŭjoŭ znachodzicca ŭ SIZA №1 h. Minska.
Jaŭhien Mierkis — žurnalist, jaki aśviatlaŭ akcyi pratestu paśla prezidenckich vybaraŭ 2020 hoda. Jaho nieadnarazova zatrymlivała milicyja, praz sudy štrafavała i adpraŭlała na sutki. Paśla pryznańnia šerahu niezaležnych ŚMI ekstremisckimi farmavańniami Jaŭhien zajmaŭsia krajaznaŭčaj dziejnaściu. Mierkisu vystavili abvinavačańnie pavodle art. 361-4 Kryminalnaha kodeksa Respubliki Biełaruś (sadziejničańnie ekstremisckaj dziejnaści).
Kamientary