Dapamažycie čatyrom čałaviekam vyratavacca ad zombi-apakalipsisa, vyrašyŭšy hetuju viasiołuju zadaču
Čatyry čałavieki sprabujuć pierasiekčy viarovačny most siarod nočy, ratujučysia ad zombi. Ci zmožacie vy rašyć, jak zrabić heta najchutčej?
Zadača
Adnačasova mohuć pierachodzić tolki dvoje. U ich tolki adzin lichtaryk, tamu adzin čałaviek pavinien viarnuć jaho cieraz most na startavy bok chutčej, čym chto-niebudź inšy zmoža pierajści. Adnamu čałavieku dla pierachodu patrabujecca 1 chvilina, druhomu — 2 chviliny, treciamu — 5 chvilin, a apošniamu — 10 chvilin.
Hipatetyčna, kali «2-chvilinny čałaviek» i «5-chvilinny čałaviek» pierasiakajucca, heta zojmie ŭ ahulnaj kolkaści 5 chvilin (ale kamuści treba viarnuć lichtaryk, u vyniku čaho spatrebicca 7 chvilin, kali «2-chvilinny čałaviek» vierniecca sa śviatłom). Usim čatyrom hierojam treba pierabracca ŭ ahulnaj kolkaści maksimum za 17 chvilin, inakš jany buduć razarvanyja na častki i pahłynutyja zombi.
Padkazka
Popular Mechanics nastojvaje, što padkazka vam nie treba, ale voś jana. Pieršaja zdahadka, jakuju robiać mnohija ludzi, sprabujučy vyrašyć hetuju zadaču, zaklučajecca ŭ tym, što pieršy čałaviek za 1 chvilinu pieravodzić usich, kožny raz viartajučysia ź lichtarykam. Heta niapravilna, bo jość bolš chutki sposab.
Adkaz možacie znajści pad fota (kali tolki nie budzie nadta pozna).
Rašeńnie
Kluč da rašeńnia hetaj zahadki — adpravić «5-chvilinnaha čałavieka» i «10-chvilinnaha čałavieka» razam. Takim čynam vy pierapraŭlajecie dvuch samych pavolnych ludziej za 10 chvilin zamiest 15-ci, a hetyja 5 zaaščadžanych chvilin dakładna vam spatrebiacca. Ale vy nie chočacie, kab «5-chvilinny» abo «10-chvilinny čałaviek» viartaŭsia nazad, tamu vam treba pakinuć adnaho z bolš chutkich ludziej na dalokim baku čakać.
Takim čynam, vy adpraŭlajecie «1-chvilinnaha» i «2-chvilinnaha čałavieka» pieršymi. Prajšło 2 chviliny. Zatym adpraŭcie «1-chvilinnaha» nazad ź lichtarykam. Prajšło 3 chviliny. Zatym adpraŭcie «5-chvilinnaha» i «10-chvilinnaha čałavieka» razam. Prajšło 13 chvilin. Zatym adpraŭcie «2-chvilinnaha čałavieka» nazad ź lichtarykam. Prajšło 15 chvilin. Narešcie, kali dva samyja chutkija hieroi adpraviacca razam — to projdzie jakraz 17 chvilin.
Vinšujem, zombi nie dahnali vas, i vy zachavali svoj mozh, kab raskazać pra heta.
Darečy, vy možacie pieršapačatkova adpravić nazad i «2-chvilinnaha čałavieka» zamiest «1-chvilinnaha», i ŭsio roŭna pry hetym paśpieć pierapravić usich za 17 chvilin.
Ciapier čytajuć
Śpievaka z «Marafonu adzinstva» asudzili za palityku — pryhadali kamientary 2020-ha. Baranić u sud jaho chadzili siostry Hruździevy7
Kamientary
zdraśtie