Siońnia ŭ Maskvie niejkija ludzi, jakija chavali svaje tvary za maskami, praviali akcyju kala pasolstva Finlandyi ŭ Rasii. Jany pierakinuli cieraz płot pasolstva niekalki kuvałdaŭ, paviedamlaje RBK.
U pasolstvie ŭ kamientaryi resursu RBK paviedamili, što ŭ vyniku akcyi nichto nie paciarpieŭ.
«Paćviardžajem, što ŭ dačynieńni da pasolstva Finlandyi ŭ Rasijskaj Fiederacyi było siońnia ździejśniena chulihanskaje dziejańnie kala 12-j hadziny pa maskoŭskim časie. U dvor pasolstva z vulicy było pierakinuta niekalki kuvałdaŭ. U suviazi ź incydentam u pasolstvie nichto nie paciarpieŭ, i jon nie pryčyniŭ materyjalnaj škody. U hety momant Ministerstva zamiežnych spraŭ Finlandyi razhladaje zachady ŭ suviazi z chulihanskimi dziejańniami», — paviedamili ŭ ambasadzie.
Kuvałda ŭ apošni čas aformiłasia jak simvał pryvatnaj vajskovaj kampanii «Vahnier» — uzbrojenaha farmavańnia, jakoje naležyć «pucinskamu kucharu» Jaŭhienu Pryhožynu. U pačatku listapada telehram-kanały, blizkija da PVK «Vahnier», raspaŭsiudzili videa pakarańnia śmierciu byłoha źniavolenaha Jaŭhiena Nužyna, jaki byŭ zavierbavany Pryhožynym u PVK, a paśla zdaŭsia ŭ pałon ukraincam i zapisaŭ niekalki intervju z antypucinskim źmiestam. U jakaści pryłady dla zabojstva prymianiałasia akurat kuvałda. Z taho času jana stała śviadoma pašyracca «vahnieraŭcami» ŭ jakaści simvaličnaha srodku zastrašvańnia. Tak, jaje z butaforskimi śladami kryvi dasłali ŭ pasyłcy ŭ Jeŭraparłamient, i ŭvohule hetaja pryłada ŭsialakimi sposabami abyhryvajecca.
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary