Tvitar abmiarkoŭvaje kubak Cichanoŭskaj z navahodniaha zvarotu. Što zdaryłasia?
U sacsietkach šumu narabiŭ kubak, ź jakim Śviatłana Cichanoŭskaja źjaviłasia ŭ navahodnim videazvarocie. A dakładniej — cana na jaho.
Karystalniki tvitara zaŭvažyli, što taki śviatočny kubak pradajecca amal za 22 jeŭra i pačali spračacca, ci nie zadoraha heta. Niekatoryja pačali paprakać Ofis u nieracyjanalnym raschodavańni hrošaj.
«ES vydavaŭ hrošy na hramadzianskuju supolnaść, a nie joj», — adzin z kamientaroŭ.
Mnohija ž nie pabačyli ŭ hetym kramoły.
«Vy surjozna abmiarkoŭvajecie kubak za 20 jeŭra? Ja prosta nie razumieju: chiba jość takija ludzi, jakija nie mohuć sabie nabyć takuju pryhožuju reč za niejkija tam 20 jeŭra? Ale ž pry tym kuplajecie papirosy za miažoj za takija ž hrošy i ałkašku», — kamientujuć.
«Dakładna treba sačyć za vydatkami palitykaŭ, ale kubak za 20€ — heta ničoha zvyšnaturalnaha. U mianie taksama jość paračka draŭlanych talerak pa 14€ dla estetyčnych fatahrafij ježy i pryhožaj sierviroŭki».
Kubak staŭ pradmietaŭ žartaŭ.
«Moža, heta z tych 10 tysiač jeŭra, što vydaŭ Alaksandr Ryhoravič na darohu?» — pryhadvajuć słovy Łukašenki.
«A my ŭsio hadali, čamu takaja złaja «staraja» apazicyja. A ŭ ich kubačkaŭ niama, daražejšych za 4€. Dy i kava — heta raskoša! Tolki kroŭ vorahaŭ pić u taki čas dazvolena!»
Pradstaŭnica Ofisa Nastaśsia Kaściuhova paśla napisała, što heta kubak haspadara kvatery, jaki puściŭ tudy Cichanoŭskuju dla zdymak. I vyklikała novuju chvalu žartaŭ.
«Uładalnik apartamientaŭ i darahich kubkaŭ — Stryžak?» — napisaŭ adzin z karystalnikaŭ.
Tvitarcy zaŭvažajuć, što ŭzor na kubku padazrona nahadvaje tvar čałavieka z vusami.
Ciapier čytajuć
Adstaŭny padpałkoŭnik milicyi adsudziŭ kvateru ŭ svajoj dački. Hučnaja siamiejnaja historyja z Bresta1
Kamientary