U Starym zamku Hrodna adkryli try novyja interjernyja zały ChVI stahodździa

Prajekt rekanstrukcyi davoli abjomny, raźličany na try etapy. Interjernyja zały — heta zaviaršeńnie pieršaha etapu budaŭničych rabot. 

Pavialičyć

Muziejnyja ekspazicyi ŭ šaści załach Hrodzienskaha historyka-archieałahičnaha muzieja adkryty ŭ Starym zamku hod nazad. Tut pakazana historyja budaŭnictva zamka, žyćcio staroha horada, epocha karala Stefana Batoryja i inšyja temy. 

U novych załach akcent robicca mienavita na interjery — stol, padłohu, meblu, abstalavańnie. Padčas rekanstrukcyi kožnaj zały śpiecyjalisty «Biełrestaŭracyi» ŭličvali mnostva histaryčnych i mastackich niuansaŭ. Naprykład, u kaplicy vokny ŭpryhožvajuć jarkija kalarovyja vitražy, vyšej, u nišach, raźmieščana dvaccać malaŭničych karcin, jakija raskazvajuć pra žyćcio śviatoha Stefana. Mahčyma, u honar hetaha śviatoha i była aśviečana kaplica zamka karala Stefana Batoryja. Tut prachodzili karaleŭskija miesy. Uvieś interjer — poŭnaja kopija tych rečaŭ, jakija byli tut raniej. Źviartaje na siabie ŭvahu tak zvany pastaviec, ci kamoda, reč antykvarnaja — ChVIII stahodździa. A voś anałoj — navadzieł, chacia i adpaviadaje formie tych časoŭ. 

Pavialičyć

Adnym z samych unikalnych elemientaŭ hetaha pamiaškańnia možna ličyć freskavy rośpis z raślinnym arnamientam, jaki zachavaŭsia z ChVI stahodździa. Hetaja freska była vyjaŭlenaja padčas rabot pad niekalkimi płastami sučasnaj tynkoŭki.

Jašče adno ŭpryhožańnie kaplicy — unikalnaja pieč. Darečy, u Starym zamku šeść roznych piečaŭ.

Dyrektar muzieja Juryj Kiturka źviartaje ŭvahu na tuju, što znachodzicca ŭ pakoi karaleŭskaha sakratara. Na siońnia vydzielena prykładna 40 naboraŭ piečaŭ, jakija isnavali na terytoryi VKŁ u Siaredniavieččy. U Biełarusi jany dobra vyvučanyja, i kali padčas raskopak znachodzicca nievialiki adbitak staražytnaj kafli, heta značyć, što tut była takaja pieč. I padčas restaŭracyi da jaje padbirałasia mienavita takaja kafla. Takim čynam pieč u pakoi ŭnikalnaja, partretnaja — jość navat vyjavy viadomych ludziej staražytnaści.

Pavialičyć

U karaleŭskaj łaźni stajać vialikija draŭlanyja balei. Kažuć, što karali tych časoŭ vielmi lubili heta, niekatoryja prymali vodnyja pracedury amal štodzionna. Ścieny ŭ łaźni dekaryravany draŭlanymi dubovymi panelami z raślinnym arnamientam. Darečy, interjery novych załaŭ maksimalna nabližany da tych, jakija byli padčas praŭleńnia Stefana Batoryja. 

Jak raskazaŭ namieśnik staršyni Hrodzienskaha abłvykankama Viktar Praniuk, adnaŭleńnie zamka viadziecca ŭ ramkach Dziaržaŭnaj i abłasnoj inviestycyjnych prahram. Na hetyja mety nakiravana 34 miljony rubloŭ, tracina hetych srodkaŭ asvojena ŭ minułym hodzie. 

Pavialičyć

Intares da zamka pastajanna raście. Kali muziejnaja ekspazicyja tolki adkryłasia, za dva miesiacy jaje naviedali 12 tysiač čałaviek, a za taki ž pieryjad 2022 hoda kolkaść naviedvalnikaŭ vyrasła bolš čym u 10 razoŭ i dasiahnuła 140 tysiač.

— Stary zamak źjaŭlajecca prykładam zachavańnia histaryčnaj spadčyny Biełarusi, — padreśliŭ Viktar Praniuk. — Raboty pa adnaŭleńni pačalisia ŭ 2017 hodzie, a da hetaha była praviedziena vialikaja daśledčaja rabota pa vyvučeńni histaryčnych materyjałaŭ. Instytut «Hramadzianprajekt» u prajektavańni vykarystaŭ samyja sučasnyja technałohii. Heta 3D—skanavańnie, hłybokaje śvidravańnie, zachavańnie ŭsich artefaktaŭ, jakija znachodziacca ŭ Zamkavaj hary. Prymienieny sučasnyja technałohii, kab nie razburyć toje, što jość, a adnavić interjer Staroha zamka.

Jak padkreśliŭ namieśnik ministra kultury Biełarusi Siarhiej Sarakač, viadziecca rabota pa padrychtoŭcy da realizacyi druhoha etapu rekanstrukcyi Staroha zamka. Heta samy składany etap rabot, jaki ŭklučaje adnaŭleńnie karaleŭskaha pałaca i flihiela. Ciapier viaducca prajektnyja raboty. Sučasnaja rekanstrukcyja pavinna viarnuć Staromu zamku toje vieličnaje abličča, jakoje ŭ svoj čas chacieŭ ažyćciavić Stefan Batoryj.

• 31
• 0
• 1
• 3
• 0
• 1
• 3
• 0