Ekśpierymient pa rearhanizacyi školnaha charčavańnia padoŭžać da kanca navučalnaha hoda
Premjer-ministr Raman Hałoŭčanka paviedamiŭ, što ad pradstaŭnikoŭ viedamstvaŭ i rehijonaŭ na naradzie ŭ sieradu pastupiła prośba ab praciahu piłotnaha prajekta pa charčavańni ŭ škołach da kanca navučalnaha hoda.
«Siońnia my vyrašyli, što heta varta zrabić. Taksama my zamacujem heta narmatyŭna», — cytuje Hałoŭčanku pres-słužba ŭrada.
Pieršapačatkova prajekt raźličvaŭsia na paŭhoda: z 19 śniežnia 2022 hoda pa 30 krasavika 2023 hoda.
«My chacieli ŭžo z novaha navučalnaha hoda raspaŭsiudzić jaho vyniki pa ŭsioj krainie. Heta, pa mienšaj miery, zadača maksimum. My bačym pytańni, jakija patrabujuć dapracoŭki, i ź ich ulikam budziem płanavać raspaŭsiudžvańnie na ŭsie škoły», — skazaŭ Hałoŭčanka.
Jon padkreśliŭ, što hałoŭnaje tut — nie čynoŭniki. «Heta pytańnie, jakoje my vyrašajem razam z hramadstvam i z kiraŭnikami škoł. Mienavita pa hetym pytańni my ŭ svaich rašeńniach budziem abapiracca ŭ pieršuju čarhu na ich mierkavańnie. Što ludzi vybieruć dla siabie bolš pravilnym i kamfortnym, tak i budziem rabić», — reziumavaŭ jon.
U ekśpierymiencie Ministerstva adukacyi biare ŭdzieł 21 škoła: pa try ŭ kožnaj vobłaści i try ŭ Minsku.
U ramkach prajekta pieršy pryjom ježy školniki atrymlivajuć paźniej (aryjencirovačna praz 3,5 hadziny paśla pačatku zaniatkaŭ), i heta abied. Matyŭ prosty: dzieci prychodziać u škołu, pajeŭšy doma, a školnyja stravy časta nie źjadajuć.
Adznačajecca, što novy padychod nie tyčycca sielskich škoł — tam usie pryjomy ježy i čas zachoŭvajucca.
U Minadukacyi prapanujuć uličvać kolkaść pryjomaŭ ježy dziaciej u zaležnaści ad času znachodžańnia va ŭstanovie adukacyi. Prapanavali nastupnaje: ad 3,5 da 6 hadzin — adnarazovaje charčavańnie; ad 6 da 10 hadzin — dvuchrazovaje; bolš za 10 hadzin — trochrazovaje.
«Rybu lubicie?» Dzieci raskazali Ramanu Hałoŭčanku, što jany lubiać u školnym charčavańni VIDEA
Ciapier čytajuć
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki19
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru22
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru2
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
Kamientary