Vystavili na abmierkavańnie płan raźvićcia ŭčastka Aŭhustoŭskaha kanała
U žycharoŭ Hrodzienščyny, jakija žyvuć u niepasrednaj blizkaści ad Aŭhustoŭskaha kanała, vyrašyli daviedacca mierkavańnie adnosna płana raźvićcia ŭčastka «Dambroŭka-Čartok» turyscka-rekreacyjnaha parku «Aŭhustoŭski kanał», piša partał newgrodno.by.
Vystaŭleny na abmierkavańnie ŭčastak uklučaje ŭ siabie nasielenyja punkty Tartak, Navasiołki i Čartok, a taksama łandšaftnyja terytoryi. Čakajecca, što asnoŭnymi miescami pryciahnieńnia stanuć vakolicy šluzaŭ Dambroŭka i Čartok.
Jak pišuć miascovyja ŚMI, Dambroŭka ŭžo ciapier — centr kulturnaha i turystyčnaha žyćcia kanała. Tam jość niekalki zon, dzie možna stvaryć abjekty servisu i handlu. U toj ža čas rajon vioski Čartok — miesca bolš pierśpiektyŭnaje. Ale i tam płanujuć vydzielić zony dla raźvićcia servisu, handlu i turyzmu.
Prezientacyja prajekta adbudziecca 23 lutaha ŭ faje budynka Hrodzienskaha rajvykankama. Aznajomicca z dakumientam možna na sajcie vykankama, dzie pradstaŭlenaja dadatkovaja infarmacyja pa hetaj temie.
Aŭhustoŭski kanał — sudnachodny kanał, raźmieščany na terytoryi dźviuch krain — Polščy i Biełarusi. Jon złučaje reki Visłu i Nioman, znachodzicca ŭ asabliva achoŭnaj zonie JUNIESKA i ličycca pomnikam hidratechničnaha dojlidstva. Daŭžynia Aŭhustoŭskaha kanała — 101,2 km, 22 ź jakich prachodziać pa terytoryi Biełarusi.
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma12
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1919
Kamientary