Mask: Ukrainie abmiažoŭvajuć Starlink, kab Rasija nie paźbivała spadarožniki
Miljarder Iłan Mask patłumačyŭ abmiežavańni ŭ pracy spadarožnikavaj suviazi Starlink dla Uzbrojenych sił Ukrainy aściarohami, što Rasija moža pačać źniščać spadarožniki kampanii. Pra heta kiraŭnik kampanii SpaceX napisaŭ u sacyjalnaj sietcy X.
Mask adkazvaŭ na paviedamleńnie pra mahčymaść źniščeńnia kaśmičnych spadarožnikaŭ Rasijaj. Pavodle jaho słoŭ, heta adna z hałoŭnych pryčyn, čamu Starlink pavinien zastavacca cyvilnaj sistemaj.
Jaho, maŭlaŭ, možna vykarystoŭvać dla padtrymki pracy vajskovaj infrastruktury, ale nie dla vidavočna nastupalnych udaraŭ, jakija mahli b zrabić spadarožniki zakonnaj cellu dla ataki ŭ adkaz.
Mask taksama papiaredziŭ, što źniščeńnie spadarožnikaŭ Starlink moža vyklikać łancuhovuju reakcyju razbureńniaŭ i pryvieści da ŭtvareńnia vielizarnaha vobłaka kaśmičnaha śmiećcia. Heta, pavodle jaho słoŭ, moža zrabić vykarystańnie kosmasu niemahčymym.
U siaredzinie kastryčnika 2026 hoda Uzbrojenyja siły Ukrainy sutyknulisia z abmiežavańniami ŭ pracy terminałaŭ spadarožnikavaj suviazi Starlink, a dakładniej jaje vajskovaj viersii Starshield. Pry chutkaści bieśpiłotnikaŭ bolš za 160 kiłamietraŭ za hadzinu suviaź pierastavała pracavać.
Zachodnija ŚMI paviedamlali, što abmiežavańni dla ŭkrainskich vajskoŭcaŭ byli ŭviedzienyja pa inicyjatyvie Maska. Paźniej jon abvinavaciŭ Ukrainu ŭ vykarystańni Starlink dla «nastupalnych» udaraŭ bieśpiłotnikami. Va Uzbrojenych siłach Ukrainy zajavili, što heta «technična niemahčyma», bo Starlink nie pracuje nad terytoryjaj Rasii.
Iłan Mask: Starlink nielha vykarystoŭvać dla nastupalnych dziejańniaŭ, a chutkaść i paramietry vajskovych terminałaŭ vyznačajuć Pientahon i Tramp
Mask pryznaŭ, što śviadoma abmiažoŭvaŭ Starlink, i abvinavaciŭ Ukrainu ŭ parušeńniach pravił
Starshield dla Ukrainy zapavolili pa zahadzie Maska
Tramp patelefanavaŭ Masku i paprasiŭ jaho źniać abmiežavańni Starlink dla Ukrainy
Ciapier čytajuć
Syn ministra Kubrakova staŭ načalnikam Centralnaha RUUS Minska. Major, ale budzie kiravać pałkoŭnikami4
Syn ministra Kubrakova staŭ načalnikam Centralnaha RUUS Minska. Major, ale budzie kiravać pałkoŭnikami
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary