Minimum 166 asudžanych pierad Dniom Voli — i heta tolki ŭ rehijonach
Ciaham apošnich tydniaŭ siłaviki amal štodzionna ładzili masavyja zatrymańni i pieratrusy ŭ roznych rehijonach krainy. Paśla hetaha na niekatorych zatrymanych składali administracyjnyja pratakoły pavodle art. 19.11 KaAP (raspaŭsiud ekstremisckich materyjałaŭ) i 24.23 KaAP (niesankcyjanavanaje pikietavańnie), piša «Viasna».
Z 15 sakavika było asudžana nie mienš za 166 biełarusaŭ pavodle palityčnych artykułaŭ — heta biez uliku Minska. Tak, rejdy siłavikoŭ adbyvalisia ŭ Pinsku, Miorach, Oršy, Siańnie, Hłybokim, Mazyry, Breście, Ivacevičach, Lepieli, Połacku, Navapołacku, Homieli i inšych haradach.
«Homielskaj viaśnie» stali viadomymi pastanovy pa čascy 2 artykuła 19.11 KaAP Biełarusi ŭ Mazyry. Sudy adbylisia 21 i 24 sakavika 2023 hoda.
Atrymali pakarańnie ŭ vyhladzie administracyjnaha aryštu zatrymanyja:
Čarankoŭ Fiodar — 15 sutak,
Dzieravieńka Alaksandr — 7 sutak,
Nazaranka Pavieł — 5 sutak,
Kažan Alaksandra — 5 sutak,
Ivanoŭ Dźmitryj — 5 sutak,
Pyšnik Mikałaj — 5 sutak,
Hramovič Uładzisłaŭ — nieviadoma.
Ciapier čytajuć
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła2
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4040
Kamientary