«Ja pra heta nastojliva vioŭ pieramovy z Pucinym». Łukašenka pra namier raźmiaścić jadziernuju zbroju
Padčas pasłańnia narodu i svajmu parłamientu Alaksandr Łukašenka vykazaŭsia nakont namieru Rasii raźmiaścić u Biełarusi taktyčnuju jadziernuju zbroju.
«Mnoju byli aktyvavany nastojliva pieramovy z prezidentam Rasii Pucinym pa viartańni ŭ Biełaruś jadziernaj zbroi. Mienavita pa viartańni jadziernaj zbroi, jakaja była vyviezienaja ŭ 1990-ja hady. Tady pad harantyi: nijakich sankcyj suprać tych, chto vyviez, nijakaha cisku, nastupleńnia ci revalucyi. Usio rastaptana, usio razburana. Ja maju prava pastavić pytańnie viarnuć jadziernuju zbroju, jakuju tady jašče, da mianie, varjaty padpisali abaviazańni jaho viartańnia. Ja pamiataju, jak na mianie cisnuli, — ja i prypyniŭ hety vyvad. Nie staŭ vyvodzić u 1994—1995 i byŭ padvierhnuty cisku nie tolki z boku Zachadu, ale i z boku Rasii», — vykazaŭsia Łukašenka.
«Ja nie sprabuju kahości zapužvać ci šantažavać, haspodź ź imi. Ja chaču zaścierahčy ad niebiaśpieki biełaruskuju dziaržavu… Pad bizunom žyć i rabami nie budziem», — apraŭdvaŭsia jon.
Pra toje, što ŭ Biełarusi budujecca schovišča dla rasijskaj jadziernaj zbroi, prezident Uładzimir Pucin zajaviŭ 25 sakavika.
Budaŭnictva, pa jaho słovach, idzie nastolki chutkimi tempami, što skončyć jaho źbirajucca ŭžo da 1 lipienia.
Raźmiaščać jadziernuju zbroju na terytoryi Biełarusi, pavodle Pucina, buduć biez parušeńnia Damovy ab jaje nieraspaŭsiudžvańni, bo jana, maŭlaŭ, nie pieradajecca pad kiravańnie Łukašenki, jon tolki daje terytoryju.
Rasija pa prośbie Łukašenki raźmieścić u Biełarusi jadziernuju zbroju
Ciapier čytajuć
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud25
Kamientary
Vsio pieriečiślennoje budiet dostupno tolko v bunkierie putina i bunkierie łukašienko.