Vajskoŭcy praviaduć bujnyja bryhadnyja vučeńni na miažy z Ukrainaj
Miechanizavanaja bryhada praviadzie bujnyja vučeńni ŭ Słonimskim rajonie, paviedamiŭ dziaržsakratar Rady biaśpieki Alaksandr Valfovič, paviedamlaje «Sputnik».
Valfovič nahadaŭ, što ciapier pravodzicca pravierka niekatorych elemientaŭ sistem harantavańnia vajennaj biaśpieki. U pryvatnaści, zusim niadaŭna była pryviedziena ŭ bajavuju hatoŭnaść miechanizavanaja bryhada, adno sa złučeńniaŭ Zachodniaha apieratyŭnaha kamandavańnia ŭ Słonimskim rajonie.
«Tam adpracoŭvajucca pytańni pieravodu miechzłučeńnia ź mirnaha na vajenny čas u poŭnym abjomie z admabilizavańniem, z pastaŭkaj zapasaŭ materyjalnych resursaŭ, sa zdymańniem usich uzoraŭ vajskovaj techniki z zachoŭvańnia, z praviadzieńniem poŭnaha kompleksu bajavoha zładžvańnia. Na zaviaršalnym etapie budzie praviedziena bryhadnaje taktyčnaje vučeńnie», — skazaŭ Valfovič.
Pavodle jaho słoŭ, paŭnavartasnaje złučeńnie kolkaściu kala šaści tysiač čałaviek budzie vykonvać zadačy, pa nieabchodnaści, dla abarony svajoj krainy.
Dziaržsakratar udakładniŭ, što heta złučeńnie vychodzić u rajon zasiarodžańnia, a ŭ nastupnym — va ŭmoŭnyja rajony ŭ adpaviednaści z bajavym pryznačeńniem na palihony, dzie buduć adpracoŭvacca pytańni bajavoj zadačy, uskładzienaj na heta złučeńnie.
Ciapier čytajuć
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?8
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary