U homielskim ciahniku rasijanka skrała ŭ rasijanina AirPods Pro. Razumnyja navušniki sami padkazali, dzie ich šukać
Nočču 24 sakavika ŭ hramadzianina Rasii ŭ ciahniku «Maskva-Homiel» źnik zaradny kiejs z darahimi navušnikami AirPods Pro. Pra źniknieńnie ŭ milicyju mužčyna paviedamiŭ tolki ŭviečary. Jon raskazaŭ, što pakłaŭ navušniki viečaram u sietkavatuju adkidnuju paličku dla rečaŭ, a ranicaj jany źnikli. Spravu pieradali ŭ Žłobin.
Praź niekalki dzion paciarpieły nabraŭ śledčaha ŭ mesendžary — na kampjutary razumnyja navušniki pakazali dakładnuju hieałakacyju, i čas, kali jany kančatkova adklučylisia. Jak akazałasia, heta byŭ adzin z karpusoŭ sanatoryja pad Rahačovam.
U dzień źniknieńnia tudy zajechali bolš za 50 pastajalcaŭ. Milicyja apytvała ich usich.
U adnym z numaroŭ 60-hadovaja piensijanierka z rasijskaha Zielenahrada paćvierdziła, što dabirałasia da Homiela mienavita tym ciahnikom. Kupe taksama supała. Na pytańnie, ci nie znachodziła žančyna nievialikuju skrynačku, taja adkazała śćviardžalna — lažyć u tumbačcy. Patłumačyła, što znajšła jaje ranicaj, kali źbirała paścielnyja prynaležnaści. Heta byli źnikłyja navušniki.
Pakolki piensijanierka nie addała pravadniku znojdzienuju reč, u dačynieńni da žančyny zaviali kryminalnuju spravu pa fakcie kradziažu.
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary