Piaskova spytali pra niezdaroŭje Łukašenki. Voś što jon adkazaŭ
Pres-sakrataru Kramla Dźmitryju Piaskovu zadali pytańnie pra stan zdaroŭja Alaksandra Łukašenki, jaki nie pakazvajecca na publicy ŭžo šosty dzień — z 9 maja.
Piaskoŭ adkazaŭ, što «nijakich aficyjnych źviestak ź Minska nie było, a aryjentavacca treba na ich».
Pra stan zdaroŭja Łukašenki jaho pres-słužba nie havoryć ni słova.
Źjaŭleńni Alaksandra Łukašenki na publicy ad pačatku maja byli redkimi, a na paradzie ŭ Maskvie 9 maja jon nie zmoh prajści ź inšymi kiraŭnikami dziaržaŭ niekalki socień mietraŭ ad trybuny da Alaksandraŭskaha sada, jaho vieźli elektramabilem.
Paśla hetaha ŭviečary jon pieršy raz za čas svajho kiravańnia nie zmoh pračytać pramovu na ŭskładańni kvietak na płoščy Pieramohi, za jaho heta zrabiŭ ministr abarony Viktar Chrenin.
A ŭčora nie źjaviŭsia na ŭračystaściach Dnia ściaha, hierba i himna. Zvarot Alaksandra Łukašenki «z nahody śviatkavańnia Dnia Dziaržaŭnaha ściaha, Dziaržaŭnaha hierba i Dziaržaŭnaha himna Respubliki Biełaruś» začytaŭ Raman Hałoŭčanka.
Pieršy namieśnik kiraŭnika Kamiteta rasijskaj Dziarždumy pa spravach SND Kanstancin Zatulin skazaŭ, što ŭ Łukašenki ničoha takoha zvyšnaturalnaha niama, heta nie kavid. Prosta čałaviek zachvareŭ».
Kiraŭnik NAU i pradstaŭnik Abjadnanaha pierachodnaha kabinieta Pavieł Łatuška zajaviŭ, što, pa źviestkach Narodnaha antykryzisnaha ŭpraŭleńnia, u Łukašenki moža być infiekcyjna-alerhičny mijakardyt. Infiekcyjna-alerhičny mijakardyt — heta zapaleńnie sardečnaj myšcy, jakoje vyklikajecca roznymi infiekcyjami (naprykład, hrypam).
-
«Haspadar prosta pajšoŭ». U Minsku dzicia pakusaŭ sabaka, dziaŭčyncy nichto nie dapamoh
-
«Chłopcy padnieśli maje sumki — i tut ža pajechali ŭ ŠIZA». Babaryka raskazaŭ, jak jamu stvarali ŭ turmie nievynosnyja ŭmovy
-
«Uzrušvaje padtrymka biełarusaŭ». Były palitviazień Dźmitryj Kučuk, jaki prasiŭ dapamohi, nabyŭ bus i źjazdžaje z prytułku
Ciapier čytajuć
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych1919
Kamientary