U pačatku maja na pradpryjemstvie «Połack-Škłovałakno» adbyŭsia dzień infarmavańnia, padčas jakoha hienieralny dyrektar čystasardečna raskazaŭ kalektyvu pra toje, što pradpryjemstva mocna paciarpieła ad sankcyj, pradukcyju niama kudy dzieć, a častka rabotnikaŭ dziela taho pieravodzicca ŭ stan prastoju. Padrabiaznaja spravazdača pra schod była raźmieščanaja na sajcie pradpryjemstva, paśla čaho pra harotny stan pradpryjemstva daviedałasia ŭsia kraina. Ciapier situacyju prakamientavała i Natalla Kačanava.
Staršynia Savieta Respubliki nie tolki pryznała, što situacyja na pradpryjemstvie vielmi kiepskaja, ale vykłała i recept pa jaje palapšeńni, jaki, praŭda, asablivaj aryhinalnaściu nie adroźnivajecca.
Tuju pradukcyju pradpryjemstva, jakaja akazałasia niezapatrabavanaj za miežami krainy, Kačanava prapanavała nakiravać na ŭnutrany rynak:
«Na žal, praz sankcyi jość prablemy ź jaje realizacyjaj. Naša zadača — padtrymać hetaje pradpryjemstva, nie tolki nam padtrymać, dziaržavie, ale i kiraŭnictvu zavoda, jakomu treba adšukać unutranyja reziervy», — zajaviła Kačanava padčas naviedvańnia pradpryjemstva.
«Hetyja pytańni vyrašalnyja, tamu što my nie pavinny zakuplać pa imparcie anałahičnuju pradukcyju, jakaja vypuskajecca na našych pradpryjemstvach, — dadała jana. — Nam treba jašče raz pierahledzieć usie zakupki, jakija robiać pradpryjemstvy ŭ našaj krainie. 30 miljonaŭ dalaraŭ pradukcyi, jakaja patrebna na ŭnutranym rynku, naš zavod pavinien zakryć. A pakul jon zabiaśpiečvaje tolki pałovu patreb unutranaha rynku.
Ja ćviorda pierakananaja: na ŭnutranym rynku my pavinny zajmać bolšy siehmient pradukcyjaj zavoda «Połack-Škłovałakno», — skazała Kačanava.
Čytajcie taksama:
U leksikonie Kačanavaj źjaviŭsia novy vyraz: «Prava ŭsich narodaŭ»
Jeŭrasajuz prydumlaje, jak uździejničać na krainy, što dapamahajuć abychodzić sankcyi
Ciapier čytajuć
Zahinuŭ biełaruski dobraachvotnik Alaksiej Łazaraŭ10
Kamientary