u dačynieńni da biełaruskich čynoŭnikaŭ i dziejańnie sankcyj da kastryčnika 2010 hoda
Jeŭrasajuz pradoŭžyŭ častkovaje prypynieńnie sankcyj u dačynieńni da biełaruskich čynoŭnikaŭ i dziejańnie sankcyj da kastryčnika 2010 hoda. Pra heta havorycca ŭ zajavie kiraŭnikoŭ MZS krain Jeŭrasajuza ad 17 listapada.
Razam z tym, ES prapanoŭvaje Jeŭrakamisii pačać padrychtoŭku da padpisańnia pahadnieńniaŭ ab ablahčeńni vizavaha režymu i readmisii. Ministry taksama rekamiendujuć Kamisii ES prapanavać sumiesny pramiežkavy płan pryjarytetnych reform, jakija mohuć być realizavany ŭ Biełarusi ŭ miežach Jeŭrapiejskaj palityki dobrasusiedstva.
U dakumiencie vykazvajecca škadavańnie, što apošnim časam nie było dastatkova značnaha prahresu ŭ śfiery pravoŭ i svabod čałavieka.
Tak, vykarystoŭvałasia siła ŭ dačynieńni da mirnych palityčnych pratestaŭ i mieli miesca admovy ŭ rehistracyi vialikaj kolkaści palityčnych partyj, niaŭradavych arhanizacyj i niezaležnych ŚMI.
Ministry zaklikali biełaruskija ŭłady pavažać svabodu ŚMI, vykazvańnia, asacyjacyi i schodu, refarmavać vybarčaje zakanadaŭstva i ŭvieści maratoryj na śmiarotnaje pakarańnie.
U zajavie vitajecca raźvićcio palityčnaha dyjałohu na vysokim uzroŭni, pačatak dyjałohu ab pravach čałavieka, udzieł Biełarusi ŭ palitycy Uschodniaha partniorstva i ŭmacavańnie techničnaha supracoŭnictva.
U dakumiencie zaznačajecca, što sankcyi mohuć być admienieny ŭ luby momant u adkaz na dziejańni biełaruskich uładaŭ u śfiery demakratyi i pravoŭ čałavieka. Miž inšym, jany hetak ža mohuć być adnoŭleny.
Upieršyniu vizavyja sankcyi byli ŭviedzieny ŭ 2004 hodzie ŭ dačynieńni da čatyroch biełaruskich čynoŭnikaŭ. Paśla prezidenckich vybaraŭ u 2006 hodzie śpis pavialičyŭsia da 41 čałavieka, jakich ES abvinavačvaŭ u parušeńni pravoŭ čałavieka ŭ Biełarusi. U kastryčniku 2008 hoda kiraŭniki MZS krain ES upieršyniu prypynili na paŭhoda dziejańnie sankcyj dla 36 asob z hetaha śpisu.
Ciapier čytajuć
Mielnikava rychtavała svajo źniknieńnie i manipulavała atačeńniem. Pakul niajasna, ci dziejničała jana pa kamandzie ź Minska70
Kamientary