U anhlijskuju Premjer-lihu vyjšaŭ kłub-siensacyja «Łutan Taŭn». Pahladzicie, na jakim stadyjonie jon hulaje
Za piatnaccać hadoŭ kamanda z pryharada Łondana prajšła šlach ź piataha dyvizijona ŭ elitny. Ich chatniaja arena ŭžo paśpieła stać miemam.
Luton Town have just won the Championship play-off final.
This is the entrance to our stadium.
Incredible to think this ground will be in the Premier League next season pic.twitter.com/QPV3ocSYMN
«Keniłuert Roŭd» pabudavali ŭ 1905 hodzie, i z tych časoŭ, padobna, stadyjon nie asabliva źmianiŭsia, miarkujučy pa fota.
Jaho trybuny bačyli jak pośpiechi — z 1982 pa 1992 hady «Łutan» hulaŭ u Pieršym dyvizijonie (anhlijskaj top-lizie da stvareńnia APŁ) i ŭziaŭ Kubak futbolnaj lihi, tak i niaŭdačy — u nulavyja kłub praź finansavyja prablemy vyvaliŭsia ŭ non-lihi.
Paśla hetaha pačaŭsia doŭhi padjom «kapialušnikaŭ» na viaršyniu anhlijskaha futboła, jaki byŭ kančatkova aformleny 27 maja ŭ sieryi pienalci finału płej-of Čempijonšypa (druhoha dyvizijona) suprać «Kovientry». Ciapier «Łutan» — adziny kłub, u jakoha heta atrymałasia.
Ciapier «Man Sici», «Arsienału», «Livierpulu» i astatnim kłubam APŁ daviadziecca jechać u Łutan i hulać na 10-tysiačnym «Keniłuert Roŭd», uvachod na adnu z trybun jakoha raźmieščany prosta ŭ žyłym domie.
U sacsietkach nazyvajuć stadyjon najhoršym u lizie. Ale šmat i tych, chto bačyć u historyi «kapialušnikaŭ» i ich stadyjona duch sapraŭdnaha futboła, jaki zabili vialikija hrošy.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary
v prihorodie toho samoho Łondona .Otoplenije ,sudia po vsiemu,uhlem.
Dienieh niet dažie zaborčik popraviť!Łandon iz ze kepitał of Hriejt Britan.