Polskaje ahienctva pa inviestycyjach i handli apublikavała statystyku, zhodna ź jakoj Biełaruś abahnała Japoniju i ZŠA pa kolkaści zamiežnych inviestycyj u Polšču ŭ hetym hodzie. Pra heta napisała vydańnie Dziennik Gazeta Prawna.
Z pačatku 2023 hoda ŭ Polščy adkrylisia 12 prajektaŭ ź biełaruskimi karaniami. Heta bolš, čym adkryła lubaja inšaja kraina. Dla prykładu, druhoje miesca zajmaje Hiermanija ź piaćciu prajektami.
Pry hetym inviestary ź Biełarusi płanujuć adkryć jašče 33 prajekty ŭ Polščy na 48 miljonaŭ jeŭra. Pa słovach vydańnia, takija płany staviać Biełaruś na druhoje miesca ŭ śpisie inviestaraŭ. Pieršaje zajmaje ZŠA.
Prezident Polskaha ahienctva inviestycyj i handlu Pavieł Kurtaš upeŭnieny, što heta vynik prahramy Poland Business Harbour. Jaje stvaryli ŭ adkaz na represii suprać biełaruskaha biznesu i pradprymalnikaŭ, jakim prapanavali mahčymaść pierasialeńnia ŭ biaśpiečnaje miesca. Dziakujučy hetamu šmat kampanij pierajechali ŭ Polšču. U asnoŭnym heta ajci-siektar i startapy.
Hetyja prajekty nie vielmi darahija, ale dajuć šmat pracoŭnych miescaŭ. Naprykład, inviestycyi, jakija biełarusy płanujuć ukłaści ŭ Polšču ŭ budučyni, zabiaśpiečać pracaj 9500 čałaviek.
Ciapier Poland Business Harbour pracuje nie tolki dla biełarusaŭ, adnak bolšaść rekamiendacyj usio jašče vydajecca kampanijam ź biełaruskimi karaniami.
Ciapier čytajuć
«My jamu daviarajem». Čamu źnikłuju Mielnikavu zamianiŭ mienavita eks-vajskoviec Paciechin?1
Kamientary